jamshedpurBhojpuriSamajसिंहभूम जिला भोजपुरी साहित्य परिषद आ अखिल विश्व भोजपुरी विकास मंच मिलि के पिछला बुध १० जुलाई के जमशेदपुर के न्यू केबुल टाउन हॉल में भोजपुरी कवि नाटककार भिखारी ठाकुर के ४२वीं पुण्यतिथि पूरा श्रद्धा से मनवलसि. कार्यक्रम के अध्यक्षता परिषद के अध्यक्ष गंगा प्रसाद अरुण कइलें.

एह आयोजन में एगो संगोष्ठिओ भइल जवना के नाँव रहल “भोजपुरी अस्मिता एवं भिखारी ठाकुर”. एह संगोष्ठी में बोले वाला वक्ता भिखारी ठाकुर के भोजपुरी संस्कृति के साँच देखावेवाला बतवलन आ कहलन कि जवना तरह से भिखारी ठाकुर भोजपुरी समाज के विषमता रेघरियवलन ओकर कवनो जोड़ नइखे. अपना नाटक आ गीतन का जरिए भिखारी ठाकुर सामाजिक विसंगतियन के देखावत ओकरा बारे में समाज के जगावे के काम कइलन.

संगोष्ठी में बोले वालन में यमुना तिवारी हर्षित, फुलेश्वर दयाल, देवनांथ शर्मा, उषा सिंह, योगेन्द्र यादव, सविता सिंह, नरेन्द्र कुमार, कौलेश्वर पांडेय, मनोकामना सिहं, अजय वगैरह रहलें.

अतिथियन के स्वागत कइलन अरविंद विद्रोही आ सुनील कुमार सिंह धन्यवाद दिहलन. संचालन कइलन विकास मंच के महामंत्री प्रदीप कुमार सिंह.

एह कार्यक्रम के सफल बनावे वालन में बंटी सिंह, राजेश पांडेय, रोहित सिंह, अनिल कुमार, मनोज सिंह, सुमन देवी, मीरा सिन्हा, पप्पू कुमार, सोनू सिंह, संजय पाठक, जयशंकर दुबे वगैरह शामिल रहलें.


(ईमेल से

 175 total views,  2 views today

By Editor

%d bloggers like this: