भोजपुरी में पहिलका वेबसाइट अँजोरिया डॉट कॉम के संस्थापक संपादक रहल डा॰ राजेन्द्र भारती के पिछला दिने पश्चिम बंगाल के हुगली में आयोजित एगो कार्यक्रम मे सम्मानित कइल गइल. डा॰ भारती बलिया के हउवें आ भोजपुरी कवि, होखला क साथे लेखक आ फिलिम पटकथा लेखको हउवें. डा॰ भारती भोजपुरी विकास चेतना पत्रिका आ अउरियो पत्रिकन के संपादक रहल बाड़ें.

हिंदी साहित्य शलभ का ओर से तेलिनीपाड़ा आर्य पुस्तकालय में भइल समारोह में संस्था के संयुक्त सचिव मुरली चौधरी आ रामनाथ यादव बेखबर का हाथे गुलदस्ता दे के डा॰ भारती के सम्मानित कइल गइल. बाद में एगो कवि सम्मेलन के आयोजनो भइल.

 178 total views,  2 views today

By Editor

%d bloggers like this: