वैशाली, सारण, सिवान, गोपालगंज, पूर्वी चंपारण, आ पश्चिमी चम्पारण में विधानसभा चुनाव के तिसरका दौर के वोट डालल जाई. निर्वाचन आयोग आ प्रशासन सगरी तइयारी पूरा कर लिहले बा. राजनीतिको दल आपन आपन तइयारी पूरा करिये लिहले होखीहें.

पटना आ हाजीपुर के बीच के गाँधी सेतु आज अधरतिया से बन्द कर दिहल जाई. नेपाल से सटल सीमो पर पूरा चौकसी राखल जा रहल बा. एह दौर के चुनाव प्रचार के काम काल्हु साँझ से बन्द हो गइल बा. एह दौर के सगरी पार्टी खास मान रहल बाड़ी सँ. कांग्रेस का तरफ से सोनिया गाँधी, राहुल गाँधी, सलमान खुर्शीद वगैरह प्रचार सभा कइलें त भाजपा जदयू का तरफ से लालकृष्ण आडवाणी, सुषमा स्वराज, राजनाथ सिंह, नीतीश कुमार, शत्रुघ्न सिन्हा वगैरह नेता एह काम में लागल रहलें. राजद लोजपा खातिर लालू, पासवान कमान सम्हरले बाड़न.

काल्हु होखे वाला चुनाव में जवन उम्मीदवार खास बाड़े ओहमें से राबड़ी देवी, वृषण पटेल, रेणु देवी, आ विजय शंकर दूबे के नाम खास बा.

ओने छठवाँ चरण के अधिसूचना जारी कर दिहल गइल बा जहवाँ २० नवम्बर के मतदान करावल जाई.

Advertisements