भोजपुरी खातिर एक दिन

by | Feb 19, 2017 | 0 comments


भोजपुरी भाषा के मान्यता ला आंदोलन चलावत “भोजपुरी जन जागरण अभियान” रउआ सभे से निहोरा आ निवेदन कर रहल बा कि भोजपुरी भाषा के मान सम्मान बचा के राखे खातिर दिल्ली में महाधरना 21 फरवरी 2017 के होखे जा रहल बा. एह धरना में भोजपुरिया भाई बहिन सभे के अधिका से अधिका जुट बना के शामिल होखे के निहोरा कइल जात बा.

भोजपुरी भाषा के अस्तित्व के बचा के राखे खातिर आ भोजपुरी के आठवीं अनुसूची में शामिल करावे खातिर “भोजपुरी जन जागरण अभियान” के बैनर तर लगातार प्रयास कइल जा रहल बा, बइठक हो रहल बा, प्रधानमंत्री के नामे पोस्टकार्ड अभियान चलावल जा रहल बा. ट्वीटर आ सोशल मीडियो प अभियान चलावल जात बा, ज्ञापन आ माँग पत्रो दीहल गइल बा.

भोजपुरी जन जागरण अभियान के हर एक भोजपुरिया सिपाही अपना अपना क्षेत्र में लोग के जागरूक कर रहल बाड़े. एह बैनर के माध्यम से दिल्ली के जंतर मंतर पर अब ले पाँच गो धरना प्रदर्शन हो चुकल बा. सरकार का ओर से सकारे के भरोसो मिलल बा बाकि संसद में अबहीं ले भोजपुरी भाषा के संवैधानिक मान्यता देबा वाला प्रस्ताव नइखे आइल.

एही सब ले के “भोजपुरी जन जागरण अभियान” के बैनर तले छठवाँ विशाल धरना प्रदर्शन के आयोजन 21 फरवरी 2017 अंतर्राष्ट्रीय माईभाषा दिवस का दिने कइल गइल बा जवना में भोजपुरी के साहित्यकार, रंगकर्मी, गायक-कलाकार, पत्रकार, समाजसेवी आ भोजपुरी के समस्त संस्था के प्रतिनिधि आ सदस्य, भोजपुरी के नेही स्नेही प्रेमी लोग शामिल होइहे.

तमाम भोजपुरी भाषा-भाषी लोग से निहोरा बा कि ज्यादा से ज्यादा संख्या में पहुँच के एह भोजपुरिया आंदोलन के हिस्सा बने सभे. भोजपुरी खातिर एक दिन, आई सभे, सभे केहु के हृदया से स्वागत बा.

– निवेदक,
भोजपुरी जन जागरण अभियान

Loading

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं.
यूपीआई पहचान हवे -
anjoria@uboi


सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.


अबहीं ले 10 गो भामाशाहन से कुल मिला के पाँच हजार छह सौ छियासी रुपिया के सहयोग मिलल बा.


(1)


18 जून 2023
गुमनाम भाई जी,
सहयोग राशि - एगारह सौ रुपिया


(3)


24 जून 2023
दयाशंकर तिवारी जी,
सहयोग राशि - एगारह सौ एक रुपिया


(4)

18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया


(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया


(5)

5 अगस्त 2023
रामरक्षा मिश्र विमत जी
सहयोग राशि - पाँच सौ एक रुपिया


पूरा सूची


एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.


अँजोरिया के फेसबुक पन्ना

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up