अनिल एंड अनिल फिलिम एंटरटेनमेंट के बैनर तले बनल निर्माता अनिल कुशवाहा के फिलिम ‘लहू के दो रंग‘ बिहार आ झारखंड में बम्पर ओपनिंग लिहलसि. कई जगहा लोग टिकट का इंतजार में एक शो से दुसरका शो ले ठाढ़ रहल. बिहार के सबले बड़ पर्व छठ पूजा पर रिलीज होखला क बावजूद दर्शकन के भीड़ सिनेमाघरन में बनल रहल. बतावल जात बा कि पहिलके दू दिन में ई फिलिम 35 लाख रूपया के नेट कलेक्शन कइलसि. निर्माता अनिल कुशवाहा के जतना उमेद रहल ओहू ले बढ़िया बिजनेस कइलसि ई फिलिम. देखल जाव कि निर्देशक मंजुल ठाकुर के ई फिलिम कतना दिन ले आपन धमाल बनवले राखत बिया.


(संजय भूषण पटियाला)

Advertisements