सिनेमा भोजपुरी के मेगा स्टार मनोज तिवारी आ नंबर वन अदाकारा रिंकू घोष के जोड़ी छह साल बाद परदा पर नजर आवे वाली बा ‘भईया हमार दयावान’ में. ई फिलिम 23 मार्च के मुंबई में रिलीज होखी. मनोज तिवारी आ रिंकू के जोड़ी सबसे पहिले ‘दरोगा बाबू आई लव यू’ में नजर आइल रहुवे आ फिलिम सुपर डुपर हिट रहुवे. ओकरा बाद फिल्म ‘सौगंध’ में ई जोड़ी मौजूद रहे साल 2006 में आ फिलिम सफल रहुवे. अब छह साल बाद ई जोड़ी देखे के मिले वाला बा ‘भईया हमार दयावान’ में. हालांकि एहमें रिंकू घोष शुभम तिवारी का साथे बाड़ी. आ मनोज तिवारी के नायिका बाड़ी पाखी हेगडे. मनोज तिवारी आ पाखी हेगडे के जोड़ी भोजपुरी सिनेमा में पहिला बेर देखे के मिले वाला बा.

‘भईया हमार दयावान’ के निर्देशक हउवें असलम शेख.


(शशिकांत सिंह रंजन सिन्हा के रपट से)

By Editor

%d bloggers like this: