पिछला दिने दुर्गा फिल्म्स प्रोडक्शन के पहिला फिल्म, जवना के अबहीं नाम नइखे रखाइल, के भव्य मुहूर्त शीशा रेस्टोरेंट, अंधेरी (प.), मुंबई में भोजपुरी सिनेमा जगत के गणमान्य हस्तियन का मौजूदगी में करावल गइल. निर्माता दुर्गा प्रसाद वर्मा के एह फिल्म के निर्देशक अवधेश यादव, लेखक सुरेन्द्र मिश्रा, गीतकार बिपिन बहार आ श्याम देहाती, अउर संगीतकार लाल सिन्हा हउवें. कलाकारन के चयन अबही बाकी बा.

एह फिल्म में मयभा महतारी आ ओकर आपन बेटा आ सौतेला बेटा के बीच के रिश्ता के भावनात्मक चित्रण होई. फिल्म के मुहूर्त पर अभय सिन्हा, जगदीश शर्मा, हैरी फर्नांडीस, राजदीप सैनी, संजय पांडेय, दीपक भाटिया, रवि सिन्हा, राजेश (रजनीश), फहीम खान, रवि उज्जैन अउर राजू वगैरह गणमान्य लोग मौजूद रहे. मिर्जा अज़हर बेग एह मौका के खास मेहमान रहलें.


(स्रोत – समरजीत)

Advertisements