भोजपुरी सिनेमा के सुपरस्टार पवन सिंह के भोजपुरी सिनेमा के सुपरहिट निर्देशक राजकुमार पाण्डेय ‘‘ट्रक ड्राईवर’’ बना दिहले बाड़न. साईदीप फिल्मस् के बैनर में बनत निर्माता-निर्देशक राजकुमार पाण्डेय के एह फिल्म के शुटिंग एह घरी हाजीपुर आ पटना में कइल जा रहल बा. पवन सिंह के प्रेमिका बनल बाड़ी अंजना सिंह. एही फिल्म में प्रदीप पाण्डे ‘‘चिंटू’’ आ काजल रधानीओ के रोमांटिक एंगल देखे के मिली. फिल्म के खास किरदारन में रितिका शर्मा, संजय पाण्डेय, उमेश सिंह, आशा शर्मा, अयाज खान, राकेश यादव आ किरण यादव के नाम शामिल बा. आईटम क्वीन सीमो सिंह पर एगो दिलकश गीत फिल्मावल गइल बा. फिल्म के संगीतकार मधुकर आनंद, गीतकार विनय बिहारी, प्यारेलाल यादव ‘‘कवि’’, आर आर पंकज, छायाकार रविचंदन, कला इंद्रजीत शर्मा के, आ संपादन जीतेन्द्र सिंह जीतू के बा.


(स्रोत : प्रशांत निशांत)

By Editor

3 thoughts on “पवन सिंह के ट्रक ड्राईवर बना दिहलन राजकुमार पाण्डेय”

Comments are closed.

%d bloggers like this: