RDM-trimurtiसिनेमा भोजपुरी के सबले बड़हन फिलिम ‘गंगा जमुना सरस्वती’ होली का मौका पर बिहार-यू॰पी॰ में ऐतिहासिक ओपनिंग लेत शुरू भइल. एह फिलिम के बिहार के पचास आ यूपी के बीस गो सिनेमाघर में ऐतिहासिक ओपनिंग मिलल. बिहार के मोतिहारी, हाजीपुर, छपरा, घोडासहन, आरा, सुगौली, बक्सर, सीतामढ़ी समेत दू दर्जन जगहन पर एकरा रिकार्ड ओपनिंग मिलल. यू॰पी॰ के गोरखपुर आ बिहार के हाजीपुर में पहिला बेर कवनो भोजपुरी फिलिम दू गो सिनेमाघर में एके साथ लागल.

संयोगिता फिल्मस् के बैनर तले आलोक कुमार के बनावल आ हैरी फर्नांडिज के निर्देशत एह फिलिम में पहिला हाली सिनेमा भोजपुरी के तीन गो सुपर स्टार, मनोज तिवारी ‘मृदुल’, रवि किशन आ दिनेशलाल यादव ‘निरहुआ’, एक साथे आइल बाड़ें. एहमें रिंकू घोष, रानी चटर्जी, पाखी हेगडे आ हिनू वर्मा के भूमिको दमदार बा.

दर्शक एकरा के बहुते पसंद करत बाड़ें आ औरतन के भारी भीड़ देखे उमड़त बा. एक हफ्ता पहिले जब ई मुंबई में रिलीज भइल त ओहिजो रिकार्ड बिजनेस कइलसि आ नवरंग (अंधेरी) समेत दर्जनभर सिनेमाघर में कलेक्शन के नया रिकार्ड बन गइल. एह फिलिम के सफलता से सिनेमा भोजपुरी दुनिया में खुशी के माहौल बा.


(प्रशांत निशांत)

By Editor

कुछ त कहीं...

This site uses Akismet to reduce spam. Learn how your comment data is processed.