मनोज तिवारी साथे संजय पांडे

भोजपुरी सिनेमा के नंबर वन खलनायक संजय पांडे आ मेगा स्टार मनोज तिवारी फिल्म ‘यादव पान भंडार’ में साथेसाथ अइहें. निर्माता जितेश दूबे आ निर्देशक अजय कुमार हउवें. मनोज तिवारी से दू दू हाथ कर के लवटल संजय पांडे के कहना बा कि मनोज तिवारी जइसन व्यवहारिक कलाकार भोजपुरी वर्ल्ड में बहुते कम बाड़ें. कहलें जब मनोज तिवारी का साथे एह फिल्म खातिर जितेश दूबे उनुका के बतौर मुख्य खलनायक साईन कइलन त ऊ अचकचा गइल रहलें. संजय खातिर ई बहुते बड़ सरप्राईज रहल.

वइसे बतावे लायक बा कि संजय पांडे भोजवुड के हर स्टार का साथे काम कर चुजल बाड़न. दोसर ई कि उनुकर सगरी फिलिम सुपर डुपर हिट रहल बाड़ी सँ.साल 2010 में ‘दिवाना’, ‘लहरिया लूटा ए राजा’, ‘सईंया के साथ मड़इया में’, ‘सात सहेलियां’ अउर ‘देवरा बड़ा सतावेला’ सुपर हिट रहली सँ. एह साल 2011 में संजय पांडे के बतौर खलनायक चार गो फिलिम प्रदर्शित भइल बा आ चारो फिल्म ‘दिलजले’, ‘होत बा जवानी जियान ए राजा जी’, ‘दुश्मनी’ अउर ‘नाग नगीना’ एह साल के बड़हन हिट गिनात बा. अबही एह साल संजय पांडे के अउरियो कई गो बेहतरी फिलिम आवे वाली बाड़ी सँ.


(स्रोत – शशिकान्त सिंह, रंजन सिन्हा)

Advertisements