भोजपुरी फिल्म निर्माण कंपनी मिथिला टॉकिज पिछला दिने आपन दू गो फिलिम लांच कइलसि. मिथिला टाकीज एहसे पहिले सुपरहिट ‘गुंडईराज’ आ जल्दिये रिलीज होखे जात फिल्म ‘डकैत’ के निर्माण कर चुकल बिया. नयकी फिलिमन के नाम हवे ‘‘गुमराह’’ आ ‘‘कुर्बानी’’. पिछला दिने एह दुनु फिलिमन के शूरूआत जीप ट्रैक स्टूडियो में कइल गइल.

निर्माता मनोज कुमार चौधरी के एह दुनु फिलिमन में भोजपुरी जुबली स्टार दिनेश लाल यादव ‘‘निरहुआ’’ मुख्य नायक के भूमिका में बाड़न. ‘‘गुमराह’’ के निर्देशन मशहूर निर्देशक बाली करीहें आ एहमें निरहुआ का साथे अंजना सिंह आ प्रतिभा पाण्डे रहीहें. ‘‘कुर्बानी’’ के निर्देशन करीहें अनेके बड़हन हिन्दी फिलिमन में पार्थो घोष के सहायक निर्देशक रहल राजू. कुर्बानी के लेखक हउवें मनोज टाईगर. दुनु के संगीतकार बाड़े राजेश- रजनीश.

‘गुमराह’ मई में आ ‘कुर्बानी’ अक्टूबर में फ्लोर पर जाई.


(प्रशांत निशांत के रपट से)

Advertisements