JaiMaa-posterपिछला दिने ‘जय मां मइहर वाली’ फिलिम के शूटिंग खातिर अभिनेत्री रिंकू घोष जब मध्य प्रदेश के सतना में मइहर माई मंदिर चहुँपली त उनुका ओहिजा अनेके चमत्कार अनुभव कइली, सबसे पहिले त सिर्फ दस दिन चले वाला शूटिंग पूरा चौदह दिन चलल आ केहु के अहसास ना भइल कि शूटिंग कब पूरा हो गइल. रिंकू घोष बतावत बाड़ी कि जब मंदिर का सोझा खड़ा भइली त उनुका तनिको ठंडा ना बुझाइल जबकि बाकी लोग के ठंड लागत रहुवे. फेर रिंकू अचानके देवी क सोझा रोवे लगली आ उनुका लागल कि देवी उनुका के देख मुसुकात बाड़ी, जब मंदिर के सीढ़ी उतरे लगली त ओहिजा मौजूद लोग रिंकू के गोड़ छू के प्रणाम करे लागल.

दरअसल रिंकू घोष आल्हा तालाब में नहाके मंदिर पहुंचल रही जवना चलते लोग बझल कि उनुकर कवनो मन्नत पूरा हो गइल बा आ एहसे ऊ सीढ़ी धोवत उतरत बाड़ी.

रिंकू बतावत बाड़ी कि ‘जय मां मइहर वाली’ के शूटिंग का दौरान उनुका अनेके चमत्कारिक अनुभव भइल.


(शशिकांत सिंह)

Advertisements