बिहार आ मुंबई के प्रसिद्ध वितरक बिटू सरदार ‘रिक्शावाला आई लव यू’ फिल्म बनावत भोजपुरी फिल्म निर्माण में आ गइल बाड़ें. उनुका पहिला फिल्म ‘रिक्शावाला आई लव यू’ क शूटिंग पिछला दिने मुंबई के चांदीवली स्टूडियों में शुरू भइल. निरहुआ इंटरटेन्मेंट प्रा. लि. प्रस्तुत आ वाहे गुरू मूवीज के बैनर तले बनत एह फिल्म के कथा-पटकथा लेखन आ निर्देशन के कमान अजय श्रीवास्तव सम्हरले बाड़न जे ‘हो गईनी दीवाना तोहरे प्यार में’, ‘नथुनिया पे गोली मारे’ आ ‘इंसाफ’ जइसन सुपरहिट फिल्म निर्देशित कर चुकल बाड़ें,

फिल्म में जुबली स्टार दिनेशलाल यादव ‘निरहुआ’ आ पाखी हेगड़े के जोड़ी बा. साथे बाड़ें किरण यादव, अनुप अरोड़ा, प्रकाश जैस, अनामिका, संजय पाण्डेय, आलोक यादव, आशा शर्मा, संतोष श्रीवास्तव, धामा वर्मा, राकेश यादव आ अवधेश मिश्रा.

गीतकार प्यारेलाल यादव ‘कवि’, मनोज मतलबी, संगीतकार राजेश-रजनीश, छायांकनकर्ता हीरा सरोज, नृत्य निर्देशक रामदेवन, कला निर्देशक भक्तराज वर्मा, अउर मारधाड़ निर्देशक आर. पी. यादव बाड़ें.

फिल्म के गाना पहिलही दिनेशलाल यादव ‘निरहुआ’, इंदू सोनाली, मोहन राठौर, आलोक कुमार आ रितु पाठक के आवाज में रिकॉर्ड करा लिहल गइल बा.


(प्रशांत निशांत के रपट)

Advertisements