पिछला दिने भोजपुरी फिल्म “राजा के रानी से प्यार हो गइल” खातिर प्रतापगढ़ में चलत शूटिंग का दौरान भोजपुरी के नं॰ वन खलनायक संजय पाण्डे बिना कवनो डुप्लीकेट के एगो खतरनाक स्टंट कइले जवना का देख सभे दंग रह गइल. सीन में उनुका करीब चालीस फीट उपर से कूदे के रहे जवना खातिर उनका के सिक्यूरिटी वायर दिहल गइल बाकिर ऊ बिना वायर लगवले छलांग मार के ई सीन शूट करवले. कहीं त संजय पाण्डेय के ई आदत हो गइल बा खतरनाक स्टंट करे के. पिछला दिने “दुश्मनी” का शूटिंग में ऊ बीस फीट उपर से कुद के काँच तूड़ले रहले. काँच त टूट गइल बाकिर उहो घवाहिल हो गइलें. एकरा बावजूद शूटिंग जारी रखवा के सीन पूरा करवलें. इलाहाबाद में “बजरंग”का शूटिंगो में अइसने भइल. एगो ऊँच बिल्डिंग से छलांग लगा के पवन सिंह के दू दू हाथ करे के रहे ओह सीन में. आजमगढ़ में “औलाद” के शूटिंग में अइसहीं एगो खतरनाक बाईक स्टंट कइले जवना से सभे हैरान रह गइल.

असल में ई सब खतरनाक सीन संजय पाण्डे एहीसे कर देलें कि ऊ एकरा खातिर बाकायदा ट्रेनिंगो लिहले बाड़न.


(स्रोत – शशिकान्त सिंह)

 215 total views,  2 views today

By Editor

%d bloggers like this: