निर्माता अजीत श्रीवास्तव आ निर्देशक यशवंत सिंह ‘यश’ के नइकी भोजपुरी फिल्म ‘सईंया अरब गईले ना’ के संगीतमय मुहूर्त पिछला दिने बहुते धूमधाम से प्लेटिनम स्टूडियो, गोरेगांव में करावल गइल त दिग्गजन के जमावड़ा लाग गइल. ज्ञानेन्द कुमार के प्रस्तुति एह फिल्म में मुख्य भूमिका निभावत बाड़े कुंवर विक्रांत सिंह आ हॉट केक बनल मोनिका सिंह बत्रा. साथ में रितिका शर्मा, अयाज खान, माया यादव आ श्वेता मिश्रा बाड़ी. नंबर वन भोजपुरी खलनायक संजय पांडे एहमें मुख्य खलनायक त डांसिंग क्वीन सीमा सिंह के शानदार जलवा बावे एहमें. निर्माता निर्देशक के कहना बा कि ई लीक से हटल फिल्म होखी. एकरा गीत संगीतो पर पूरा मेहनत होखत बा.

गीतकार एस. कुमार, शंकर सैदपुरी आ अशोक सिन्हा, संगीतकार गुणवंत सेन हउवें. त्रिलोक चित्र मंदिर के बैनर तले बनत एह फिल्म के कार्यकारी निर्माता अनिल कुमार गुप्ता, दीपशिखा गुप्ता, शशांक श्रीवास्तव आ आर.पी. सिंह हउवें जबकि सहयोगी निर्माता हउवन प्रियदर्शी श्रीवास्तव ‘विक्की’. कहानी मोनिका सिंह लिखले बाड़ी आ पटकथा अउर संवाद शंकर सैदपुरी. नृत्य निर्देशक कानू मुखर्जी आ कैमरामैन प्रमोद पांडे हउवें.

फिल्म की शूटिंग जल्दिये जौनपुर में होखे वाला बा.


(शशिकांत सिंह के भेजल रपट)

Advertisements