मशहूर निर्देशक प्रकाश जा आ महेश मंजरेकर के सहायक रहल आ महुआ टीवी के लोकप्रिय धारावाहिक “इम्तिहान” के निर्देशक अंजनी कुमार अब भोजपुरिया परदा पर “सईंया ड्राइवर बीबी खलासी” नाम के संपुर्ण पारिवारिक मनोरंजन देबे वाली फिल्म ले के आ रहल बाड़न. आलवेज बी पोजिटिव पिक्चर्स आ रचित क्रियेशंस का बैनर में बनत एह फिल्म में भोजपुरी सिनेमा के महानायक कुणाल सिंह, स्टार अदाकारा रिंकू घोष, अवधेश मिश्रा, नीलिमा सिंह, राजीव कुमार, वसंत कुमार, राजेश राजा आ नवोदित अनुज गुप्ता के मुख्य भूमिका बा. हॉट आयटम डांसर सीमा सिंह के एगो फड़कदार आयटमो बा एह फिल्म में. गीत बिनय बिहारी आ संगीत प्रियदर्शन पाठक के बा.

पिछला दिने एह फिल्म के शूटिंग हाजीपुर, सोनपुर आ पटना के कुछ लोकेशन पर करावल गइल. अनुज कुमार आ अंजनी कुमार के निर्माण एह फिल्म में निर्देशन अंजनी कुमार के बा. अंजनी कुमार के कहना बा कि पारिवारिक जिनिगी के गाड़ी के ड्राईवर सईंया होले त बीबी खलासी जे जिनिगी के सजा सँवार के साफ राखेली.

शूटिंग पूरा हो गइला का बाद आजुकाल्हु एकर संपादन के काम जोरशोर से चल रहल बा.


(स्रोत – प्रशान्त निशान्त)

Advertisements