भोजपुरी फिल्म “जंग” में आयटम डान्सर सीमा सिहं के किरदार देख के सभे दंग रह जाये वाला बा. उनकर डांस त जानमार बड़ले बा उनकर लहँगो निर्माता के जाने ले लिहले होखी. काहे कि ओह लहँगा के बनावे में बारह दिन लागल कारीगरन के आ दाम पड़ल सात लाख ! पिछला दिने जब मुंबई का मदर नेचर स्टूडियो में एह आयटम डांस के शूटिंग भइल त जेही देखल से हि वाह वाह कर उठल. एह डांस के नृत्य निर्देशिका रेशमा खान अतना बढ़िया से फिल्मवले बाड़ी कि दर्शको वाह वाह कर उठीहें. सभका “शीला के जवानी” याद आवे लागी. “जंग” के निर्माण कुसुम धानुका करत बाड़ी आ निर्दशन प्रशान्त नन्दा के बा. सीमा सिंह कहलि कि एह आयटम डांस के दर्शको बहुत पसन्द करीहें काहे कि डाँस अतना बढ़िया बनल बा कि सभले डँस ली ! दोसरे एह डाँस खातिर निर्माता दिल खोल के खर्च कइले बाड़ी. देखल जाव भोजपुरी सिनेमा के बिजुरिया सीमा सिंह के ई डांस दर्शकन के कतना डँसत बा.
(स्रोत – शशिकांत सिंह)

 234 total views,  2 views today

By Editor

%d bloggers like this: