थियेटर का दुनिया से अपना अभिनय के शुरुआत करे वाला जुझारू कलाकार सी पी भट्ट गँवे गँवे हर सफल भोजपुरी फिलिम के हिस्सा बनल जात बाड़न, एही से कहाए लागल बा कि ’नो इफ नो बट, ओनली सी.पी.भट्ट !’पिछला साल 2012 के सगरी हिट भोजपुरी फिलिमन में शामिल रहलन सी पी भट्ट. निर्माता- अभिनेता हैदर काजमी के चर्चित फिलिम ’कालिया’ में सी पी भट्ट जोरू के गुलाम बन के दर्शकन के खूब मनोरंजन कइले रहलन. एह काम में उनुका पत्नी के भूमिका में अलीशा के भरपूर साथ रहुवे. फिलिम ’भाई जी ’ में अंडर प्ले कैरेक्टर विराज भट्ट के कैशियर बनल भट्ट दर्शकन के खुब गुदगुदवलें. पवन सिंह आ अंजना सिंह अभिनीत फिलिम लावारिस का एगो गीत पर नाच के आ अपना हास्य अभिनय से सीपी फिलिम के अउरी मजेदार बना दिहलन. ’घात’ फिलिम में मेहमान भूमिका के जरिए दर्शकन के धेयान अपना ओर खींच लिहलन. ’बा केहू माई का लाल’ फिलिमो में सी पी भट्ट आ रीतू पाण्डेय के जुगल जोड़ी के कमेस्ट्री धमाल मचवलसि. एही तरह राजकुमार आर पाण्डेय के फिलिम नागिन समेत अउरीओ कई एक फिलिमन में सीपी के दमदार मौजूदगी रहल.
पिछला साल क बाद अब एह साल 2013 के बात करीं त खेसारी लाल यादव अभिनीत चरणों की सौगंध, शपथ के अलावा गरदा, लड़ाई, दम होई जेकरा में उहे गाड़ी खूटा, रानी बनल ज्वाला, यादव जी, यादव पान भण्डार, मेहरारू जिंदाबाद, प्यार कवनो खेल न ह, मजनू मोटरवाला अउर अबही हाल ही में अभय सिन्हा प्रोडक्शन के पच्चीसवीं फिल्म दुल्हे राजा साईन में सीपी के देखे के मौका मिली.
(अपना न्यूज)
0 Comments