भोजपुरी फिल्म ‘प्राण जाई पर वचन न जाई-एक वादा’ एगो रिकार्ड बनावे वाली बा. ई 11-11-11 के बिहार में रिलीज होखी आ एकर प्रीमियर शो 11 नवंबर 2011 के ठीक 11 बजके 11 मिनट पर होखी, भोजपुरी फिल्मिन के प्रेमी दर्शक अपना सुपर स्टार रवि किशन के एह फिल्म में देखीहें. तीन तीन गो अभिनेता अभिनेत्रियन का बीच एह फिल्म में मुख्य भूमिका करेवाला रवि किशन निगेटिव किरदार में बाड़ें. हालांकि इंटरवल का बाद उनुकर भूमिका सकारात्मक हो जाई.

धर्म नगरी काशी का पृष्ठभूमि पर बनल एह फिल्म में सगरी दृश्य बनारसे के बा. लगभग सवा करोड़ लगा के बनल एह फेमिली ड्रामा में ‘साढ़े तीन बजे मुन्नी ज़रूर मिलना’ जइसन मसालेदार आइटमो सांग ना जे फिल्म के रिलीज से पहिलहीं से धूम मचवले बा. मुख्य कलाकार रवि किशन, राजीव दिनकर, निजाम खान, अक्षरा, महक, खुशी सिंह, नीलिमा, जफर खान, विजय बहल, अशोक सेठ, राजेश तोमर, शिवा वर्मा, राजेश सिंह, अरविंद श्रीवास्तव का साथे आइटम गर्ल सपना आ रूबी सिंह बाड़ी.

निर्देशन के.डी. के, छायांकन फिरोज खान के, एक्शन मास्टरी मसूद पटेल के, संगीत राजेश-रजनीश के आ गीत विनय बिहारी के बा. निर्माता महिपालदास गुप्ता के कहना बा कि एह फिल्म के अधिकतर कलाकार बनारस से बाड़े आ एहिजा शूटिंग करावे के मकसद रहे एहिजा के कलाकारन के प्रमोत कइल. निर्माता गु्प्ता के पूरा उमेद बा कि फिल्म के आइटम नंबर से फिलिम के बढ़िया कमाई होखी.


(स्रोत – शशिकान्त सिंह, रंजन सिन्हा)

 54 total views,  3 views today

By Editor

%d bloggers like this: