Khesari-AnjanaSinghभोजपुरी सुपरस्टार खेसारी लाल यादव आ अभिनेत्री अंजना सिंह के बीच के रोमांस ओह चरम प चहुँप गइल बा जवना बारे मे एगो कवि कहले बाड़न कि ‘छलके जब काम कलश तन मे, सिमटे दुनिया अंगूठी नग मे, आँखिन के जोत बढ़ल होला, नहतर प घाव चढ़ल होला.’ दुनू जने के बेइन्ताह प्यार देख रउरो दंग रहि जाएब. दुनु जने के अपना प्यार का सिवा कुछ अउर नइखे लउकत.

बाकिर ई प्यार असल जिनिगी मे ना हो के भोजपुरी फिलिम ‘लहू पुकारेला’ मे सिनेमा का परदा प नजर आई. शौर्य एंटरटेनमेंट के बैनर तर बनल ‘लहू पुकरेला’ मे खेसारी आ अंजना मुख्य किरदार जोड़ी बाड़े. ई लोग त धमाल मचवते बा, साथे साथ मनोज दिवेदी आ गीतांजलि शर्मा के प्यारो देखे जोग बा एह फिलिम मे.

अब जब दु तरफ से परदा पर प्यार के बरसात होखी त देखेवालन के मनो मे उमंग बरसहीं के बा. फिलिम जल्दिए रउरा सभे के मनोरंजन करे ला रिलीज होखी.


(संजय भूषण पटियाला)

Advertisements

This site uses Akismet to reduce spam. Learn how your comment data is processed.