बालेश्वर सिंह के जनमदिन शूटिंग का सेटे पर धूमधाम से मनावल गइल

BaleshwarSingh-Bday
पिछला 18 जुलाई के बालेश्वर सिंह के जनमदिन रहे आ एकरा के भोजपुरी फिलिम ‘बलम रसिया’ के शूटिंग वाला सेटे पर धूमधाम से मनावल गइल. निर्देशक शिवम कुमार आ परी सिंघानिया के कम्पनी के बैनर में बनत ‘बलम रसिया’ के शूटिंग गुजरात का राजपिपला के रमणीय स्थल पर चल रहल बा. एकर नायक यश कुमार आ नायिका अंजना सिंह आ परी सिंघानिया, खलनायक संजय पाण्डेय, निर्माता दीपक शाह, समेत पूरा यूनिट का मौजूदगी में बालेश्वर सिंह के जनमदिन के केक कटाइल आ सभे बधाई दिहल. ई मौका बालेश्वर सिंह ला यादगार मौका बन गइल.

बालेश्वर सिंह नायक यश कुमार समेत सभे के तहेदिल से शुक्रिया अदा कइलन आ कहलन कि रउरा सभ से मिलल ई सरप्राइज हमरा ला जिनिगी के यादगार पल बन गइल.

लगे हाथ इहो जानत चलीं कि हालही में बिहार आ झारखण्ड में रिलीज फिलिम ‘सजना मंगिया सजाई दऽ हमार’ में बालेश्वर सिंह के दबंग आदाकारी सगरो सराहल जात बा. तिसरका खुशखबरी बालेश्वर सिंह ला ई बा कि उनकर फिलिम ‘गरदा’ यूपी आ मुंबई में सफलता के गरदा उड़ावत बिया.


(रामचंद्र यादव)

Leave a Reply

Your email address will not be published. Required fields are marked *