प्रजा त अनेके होलें बाकिर राजा एके गो होला. आ एह बात के फेर साबित कइले बाड़े संजय पाण्डे. राजकुमार पांडे का निर्देशन में बनल सात सहेलियाँ में राजा साहब के किरदार अतना ठसक का साथ कइले बाड़े संजय पाण्डे कि पूरा फिल्म के जाने बन गइल बाड़न ऊ.
भोजपुरी सुपर स्टार दिनेशलाल यादव निरहुआ का साथे दिवाना में मुख्य खलनायक बन के चर्चा बिटोरे वाला संजय पांडे आजु का तारीख में भोजपुरी के नम्बर खलनायक बाड़े. दिवाना आ सात सहेलियाँ सफलता के रिकार्ड बनवले बाड़ी सँ. अब संजय पांडे भोजपुरी सुपर स्टार रविकिशन आ पबन सिंह का साथ देवरा बड़ा सतावेला में, दिनेशलाल का साथे दाग आ मृत्युञ्जय में अपना एक्टिंग के जलवा देखइहें, त पान भण्डार में मेगा स्टार मनोज तिवारी का साथ, बिल्लोरानी नौटंकीवाली में विजय लाल यादव का साथ आवे वाला बाड़न. बताशा चाचा आ लहरिया लूटऽ ए राजा में ऊ अपना अभिनय से निमन निमन लोग के पसीना छोड़वा दीहें.
पिछला साल संजय पांडे के फिल्म बृजवा आ बवाल करे छेदिया सुपर डुपर हिट रहली सँ आ एहू साल राजा साहब का लगे एक से बढ़ के एक चुनिन्दा फिल्म बाड़ी सँ. साँचहू भोजपुरिया खलनायकन में राजा साहब बाड़े संजय पांडे.
स्रोत शशिकान्त सिंह, रंजन सिन्हा
378 total views, 4 views today