भोजपुरिया लड़की पवन सिंह के दिवाना होली आ उनका के अपना सपना के राजकुमार मानेली. बाकिर पवन सिंह भोजपुरी के हॉट आ हिट हसीना मोनालिसा के दिवाना बन गइल बाड़न. हर हमेशा मोनालिसा के ख्याल में डूबल रहेलें. एही दिवानगी के असर रहे कि पिछला दिने रिलीज देवरा बड़ा सतावेला में ऊ मोनालिसा का साथे बहुते प्यार भरल अंतरंग दृश्य दे पवले जवना के दर्शको खूबे पसन्द कइलें.

एगो अउरी फिल्म सईंया का साथ मड़ईया में पवन सिंह फेर मोनालिसा का साथे आँख लड़ावत हाजिर भइलें. एह फिल्म में उनकर एगो चुम्मा लेत सीन बा. मोनालिसो के दिवानगी के चर्चा बाजारी में बा. पवन मोनालिसा के जोड़ी कुरुक्षेत्र आ एगो अउरी फिल्म में साथ आवे वाला बा. सेट पर अक्सरहाँ दुनु जने बाँह में बाँह डलले बतियावत नजर आवेला. खाना साथही खाला लोग. सेट पर एह लोग के मौज मस्ती देखते बनेला.

देखल जाव एह लोग के दिवानगी दर्शकन के कतना दिवाना बनावत बा.


(स्रोत : प्रशान्त निशान्त )

 260 total views,  2 views today

%d bloggers like this: