sanjay-pandey-majnuसिनेमा भोजपुरी के नंबर वन खलनायक संजय पांडे अब ‘रिहाई’ में अपना अभिनय के जलवा देखइहें. एह फिलिम के नायक हउवें आदित्य ओझा जिनकर फिलिम ‘सुगना’ बहुते सफल रहल रहे. ‘रिहाई’ में संजय पांडे क भूमिका अउर उनकर लुक दर्शकन के चिहँका के राख दी. निर्देशक बाड़ें भजन के. ओझा.

संजय पांडे डाक्टर सुनील के दू गो फिलिमन में, दिलेर आ प्रेम दीवानी, बतौर खलनायक अपना अभिनय के जलवा देखवले बाड़न. संजय पांडे के कहना बा कि एहसे उनकर ऊ सपना पूरा हो गइल जवना में ऊ डा॰ सुनील का फिलिमन में काम करे के सपना देखत रहलें.

‘सपूत’ नाम के फिलिम में संजय पांडे हमेशा पान खात नजर अइहें. एह फिलिम के डबिंग खातिर मशहूर निर्माता निर्देशक महेश पांडे आ मुकेश पांडे ढेर पान मंगवा के रखले रहलें जेहसे कि डबिंग में सही आवाज, पान खात जइसन, निकले. कहल जाता कि डबिंग में संजय पांडे नाहियो त पचास गो पान चबवले होखीहें.


(शशिकांत सिंह)

By Editor

कुछ त कहीं...

This site uses Akismet to reduce spam. Learn how your comment data is processed.