भोजपुरी के एक्शन स्टार विराज भट्ट के नयकी फिलिम “बाज गइल डंका” में विराज भट्ट के लुक के पहिला झलक जारी कइल गइल बा जवनामें ऊ एगो डॉन का तरह कपारे कैप पहिरले लउकल बाड़ें.
एह फिलिम के शूटिंग एह घरी मुंबई से सटले विरार में चलत बा. एह फिलिम में विराज के साथे पवनो सिंह नायक बाड़ें. रविभूषण निर्देशित एह फिलिम के बाकी कलाकारन में अवधेश मिश्रा, सुनील थापा, आनंद मोहन, काजल राघवानी के नाम खास बा.
आजुकाल्हु विराज के फिलिम “तू ही तो मेरी जान है राधा” ले जलवा चारो और लउकत बा. विराज के एगो अउर फिलिम “जानेमन” आवे वाली बा.
(शशिकांत सिंह, रंजन सिन्हा)