फिल्मकार आ लेखक महेश पांडे के फिलिम ‘सपूत’ 28 जून से बिहार में रिलीज होखे वाली बा. महेश पांडे का नांव हमेशा ओह फिल्मकारन में लिहल जाला जे लोग हमेशा लीक से हटके फिलिम बनावल. ‘गब्बर सिंह’, ‘हम बाल ब्रम्हचारी तू कन्या कुंवारी’ अउर ‘रानी चली ससुराल’ जइसन चर्चित भोजपुरी फिलिम बनाएवाला महेश पांडे अब आपन ‘सपूत’ लेके आवत बाड़न.
एह फिलिम के निर्देशक हउवें युवा फिल्मकार मुकेश पांडे. एह फिलिम ला महेश पांडे पहिला हाली खेसारीलाल यादव संगे काम कइले बाड़न. आदिशक्ति इंटरटेनमेंट के सहयोग से महेश पांडे अपना कंपनी मुंबाजी आर्ट्स के बैनर तले एकरा के बनवले बाड़न. फिलिम में दू गो नायक बाड़ें, खेसारीलाल यादव आ मनमोहन तिवारी.
(शशिकांत सिंह, रंजन सिन्हा)