चार गो भोजपुरिया दिग्गज शामिल बाड़े सुर-संग्राम-२ में

भोजपुरी दर्शकन के पसंदीदा चैनल महुआ टीवी पर छह अगस्त से शुरु होखे जा रहल बा सभकर पसंदीदा रियलिटी म्युजिकल शो सुर-संग्राम-२. आ अबकी एकरा मंच पर एगो ना, दू गो ना, पूरा चार गो भोजपुरिया महारथी आपन जलवा देखावत भोजपुरिया गायन के दोसरा नायक का खोज के जिम्मेदारी उठावे में शामिल होखीहे.

सुर-संग्राम-२ के एंकर रहीहें मनोज तिवारी जे अपना खास शैली में कइल एंकरिंग से पिछला सुर संग्राम के लोकप्रियता का बुलन्दी पर चहुँपा दिहले रहले. अबकियो ऊ अपना खास अंदाज आ गायकी से सभकर मनोरंजन करत एह जिम्मेवारी के पालन करीहे. निर्णायक का कुरसी पर उहे पुरनका दुनु जज अबकियो बाड़ी, लोक गायिका मालिनी अवस्थी आ भोजपुरी गायकी के रॉक स्टार कल्पना.

सुर-संग्राम-२ में नया बात ई जोड़ल गइल बा कि अबकी प्रतिभागियन के गायन का साथ साथ ओह लोग के व्यक्तित्वो के परख कइल जाई आ एह महती जिम्मेदारी के बार उठावे जा रहल बाड़न हिन्दी सिनेमा, आ भोजपुरी सिनेमा के सुपर स्टार रवि किशन. रविकिशन के जिम्मेदारी मिलल बा प्रतिभागियन के प्रस्तुति, अंदाज, चाल ढाल, आ व्यक्तित्व के आकलन करे के.

अब ई तीनो जज मिल के बिहार आ यूपी के टीम खातिर बारह बारह गो प्रतिभागी चुनीहें जवना में से केहू एक के मिली सुर-संग्राम-२ के नंबर वन के ताज.

कार्यक्रम शुक आ शनिचर के रात आठ बजे से शुरु होखी.


(स्रोत : प्रशान्त निशान्त)

Advertisements

1 Comment

  1. Kash apne bhojpuri kala se aslilta ke ajgar ko khatm kar dene wale sankalpit logo ka bhi ek manch sur sangram ki tarah hota.kash kalakaar apne purkho ki anmol dharohar ko bachane ke liye apni kala ka prayog karte to kitna achha hota.kash aj k shirshadhin log yah samajh pate ki jis bhasa ki sewa kar use vishva bhar me uchhal dene ki baat kehte hai we un logo ki kaun si sewa kar paye jin logo se is bhasa ka astitva hai.we aj bhi ashikshit ,bhramit aur heya bane hue hai,is ashiksha se mukti kab milegi.basha ka is tarah ekangi vikas thik nahi.abdul hamid aur vir kunwar ki parampara jane kab uthegi par jagegi jarur.jarur

Comments are closed.