२७ मार्च का देर शाम आरा का पटेल बस पड़ाव का लगे मैदान में आयोजित एगो भव्य समारोह में
भोजपुरी गायिका अभिनेत्री प्रतिभा सिहं के जदयु सांसद मीना सिहं के हाथे आरा के भिखारी ठाकुर सामाजिक शोध संस्थान का तरफ से सम्मान राशि, मानपत्र, स्मृति फलक, आ शॉल दे के सम्मानित कइल गइल. प्रतिभा सिंह के प्रशंसा करत मीना सिंह कहली कि आजु का माहौल का उल्टा प्रतिभा लोकप्रियता पावे खातिर अश्लीलता के सहारा ना लेली. पुरातन लोकधुन के बखूबी गावेली आ साथही आधुनिको गीतगवनई में बेजोड़ बाड़ी.
समारोह में अगल बगल के गाँवन से चइता के सात गो शामिल भइल आ अपना गवनई से लोग के रात भर मनोरंजन कइल. एह गोल में से एगो रामाज्ञा राम के गोल रहे जे भिखारी ठाकुर का मण्डली में रहलें.
[Total: 0    Average: 0/5]
Advertisements