भोजपुरी सिनेमा के मशहूर निर्माता आ निर्देशक रामाकान्त प्रसाद अपना नयका फिलिम “दिलजले” से एगो नये रिकार्ड बनावे जा रहल बाड़े. एह फिलिम में तनी मनी ना कुल सोरह गो गाना डललें बाड़न रामाकान्त प्रसाद. अबले कवनो भोजपुरी फिल्म में अतना गाना नइखे रहल. एह रिकार्ड से रामाकान्त प्रसाद अपने पुरान रिकार्ड तूड़ दिहलें जवन ऊ फिल्म “दिवाना” में चौदह गो गाना डाल के बनवले रहलें.
रामाकान्त प्रसाद के कहना बा कि भोजपुरिया दर्शक गीत गवनई के शौकीन होलें आ एगो फिल्म निर्माता आ निर्देशक होखला का चलते ई उनकर जिम्मेदारी बनेला कि अपना दर्शकन के पसन्द के खयाल राखत ओह लोग के भरपूर मनोरंजन दे सकस.
“दिलजले” के शूटिंग आजु काल्हु मुंबई में हो रहल बा. फिल्म में दिनेश लाल यादव निरहुआ, विराज भट्ट, आ रानी चटर्जी के खास भूमिका बा. गीत अशोक कुमार दीप आ प्यारे लाल यादव के लिखल बाड़ी सँ. संगीतो अशोक कुमार दीपे के दिहल बा. गायक गायिका में उदित नारायण, निरहुआ, बिपिन सचदेवा, विजय लाल यादव, इन्दु सोनाली, खूशबू जैन, आ कल्पना के नाम शामिल बा.
(स्रोत – प्रशान्त-निशान्त)
HALLO SAR MAI BHOJPURI FILM ME KAM KARNA CHAHTA HU
MY NO-8434487405