A participant performing for Dance Sangram

भोजपुरिया दर्शकन के आपन चैनल महुआ पर चल रहल रियलिटी शो डांस संग्राम अपना पूरा शबाव पर आ गइल बा. लोकप्रियता आ गुणवत्ता दुनु में ई शो दोसरा बड़का कहल जाये वाला रियलिटी शोअन के टक्कर दे रहल बा. अब एह कार्यक्रम में एगो दू गो ना पूरा एगारह गो प्रतिभागी वाइल्ड कार्ड इंट्री मार रहल बाड़े.

एह हफ्ता देखावल जाये वाला शो में अलगा अलगा राज्यन के डांसिग स्टार आपन कौशल देखावे आ रहल बाड़े. एह में से चार गो चुनिन्दा प्रतिभागी चुनल जइहें जे मुकाबिला में शामिल होखिहन. हर प्रतिभागी अपना स्टाइल में इंट्री मरीहें आ फेर आपन आपन प्रस्तुति दीहें. शो का दौरान जज सरोज खान, आ टीम मालकिन श्वेता तिवारी प्रतिभागियन से कहली कि जे भी आवे ई मत कहे कि ई ओकर पहिलका प्रस्तुति ह. काहे कि जिनका लोग से राउर कम्पटीशन बा ऊ लोग बहुते आगा निकल चुकल बा.

देखल जाव कि एह प्रतिभागियन में से के आगा बढ़त बा आ के घर वापिस लवटि जात बा.


स्रोत : प्रशान्त निशान्त

 242 total views,  2 views today

%d bloggers like this: