भोजपुरी के टीवी चैनल “हमार टीवी” पर आजु १५ अगस्त से एगो साप्ताहिक साहित्यिक धारावाहिक कवि सम्मेलन वाह जी वाह प्रसारित होखे जा रहल बा. प्रसारण समय रही दुपहरिया १२ बजे से आ रात में दस बजे से. एह कवि सम्मेलन के एंकरिंग भोजपुरी शायर मनोज भावुक जी करीहें आ आजु प्रसारित होखे वाला एपिसोड में देश भक्ति के रस बरियार रही. आजु के कवियन में डा. रमाशंकर श्रीवास्तव उर्फ परिचय दास, महेन्द्र प्रसाद सिंह, आ अलका सिन्हा खास रहीहे.


हमार के चैनल हैड उदय चन्द्र सिंह बतवले कि एह कार्यक्रम के प्रोड्यूसर मनोज भावुक आ पैनल प्रोड्यूसर दिलीप सिंह हउवें. एह में भोजपुरी आ मैथिली के कवि शामिल होखल करीहें. जमल जमावल कवियन का अलावे नवहियनो के मौका मिले के बात कहले.

चूंकि ई चैनल हर जगहा उपल्बध नइखे से एकरा के सजीव प्रसारण का तौर पर इन्टरनेट पर देखल जा सकेला.


( स्रोत: आशुतोष सिंह )

Advertisements