बिहारी माफिया के नाम बदल के विजय बिहारी माफिया कर दिहल गईल
फिलिम के नाम के लेके हो रहल गलत प्रचार का चलते बिहारी माफिया के निर्माता रवि किशन बिहारी माफिया के नाम सेंसर से स्वीकृति ले के विजय बिहारी माफिया कर दिहलन आ फिलिम अपना नयके नाम का साथे रिलीज भईल. ईहो शायद भोजपुरी सिनेमा का इतिहास में पहिलके हालि भईल.
खैर, गलत प्रचार का बावजूद विजय बिहारी माफिया फिलिम के बिहार में शानदार ओपनिंग मिलल आ एह से उत्साहित रविकिशन अपना दोसरको फिलिम के निर्माण शुरु करे के एलान कर दिहलें.
अब एही शुक के विजय बिहारी माफिया मुंबई में रिलीज होखे जा रहल बा. फिलिम के निर्देशक बबलू सोनी का मुताबिक फिलिम में गुण्डागर्दी का खिलाफ संदेश दिहल गईल बा आ बतावल गईल बा कि अन्त में सच्चाईये के जीत होखेला.
विजय बिहारी माफिया में रविकिशन के अभिनय के जमके तारीफ कईल जा रहल बा आ कहात बा कि रविकिशन सौ गो से बेसी फिलिमन में अपना काम के अनुभव एहमें झोंक दिहले बाड़न.
