आइल होली आइल रे

– ओ.पी .अमृतांशु


बरसे रंगवा हुलसे मनवा ,
नील गगनवा रंगाइल !
महँगिया खूब ईठलाइल ,
आइल होली आइल रे !!

मस्त फगुनवा मस्ती के दिनवा ,
झूमेला गेठ जोडिके सरकारवा,
भइल करोडो हॉय  रे घोटाला
सउँसे खजाना लूटाइल !
महँगिया खूब ईठलाइल
आइल होली आइल रे !!

सस्ता मोबाइल इलाज  भइल महँगा
कईसे किनाई गोरी कँगना-लहँगा
एसनो पावडर हॉय  होठलाली
बजट में नाहि समाइल !
महँगिया खूब ईठलाइल ,
आइल होली आइल रे !!

का खईब – खिअईब पुआ – पकवान 
दाल-चीनी ,तेलवा के भाव आसमान 
केसर – बादाम हॉय -हॉय  किशमिश 
बिन दुधे के भाँग घोराइल !
महँगिया खूब ईठलाइल ,
आइल होली आइल रे !!

लाल-पियर ना रंग हरियरका 
सभे के मुँहे पोताइल बा करिखा 
भइल सिहांसन बा मजबूर 
दूर-दूर ले जोगीड़ा गावाइल !  
महँगिया खूब ईठलाइल ,
आइल होली आइल रे !!

Advertisements

2 Comments

    • bhasa bhojpuri bhav se bharipuriha
      aa sabh bhasa ke bhatar hamar bhas bhojpuri ha
      mahuv na ha anguri ha naratak ke bihablapuri ha aa sabh bhasa ke bhatar hamar bhasa bhojpuri ha
      suhagan ke churi ha bhart ke dhuri ha
      dusman marekhatir badka bhari churi ha
      aa sabh bhasa ke bhatar hamar bhasa bhojpuri ha
      bhojpur me khandanee balidani aavela
      dusman dekh mochhiape panee aavel
      aa bhojpuriyan ke budhapa me javanee aavela

      regard
      Dadan singh yadav
      gujrat

Comments are closed.