Shailesh Mishra

– शैलेश मिश्र

अगर हम सानिया मिर्ज़ा बानी
त देसी ना, हमके विदेशी चाहीं …
अरब के संख्या में हिन्दुस्तानी,
बियाह करेके पाकिस्तानी चाहीं.

अगर हम सोनिया गाँधी बानी
त देसी ना, हमके विदेशी चाहीं …
भारत-माता के इटालियन बहू
सउँसे हिंदुस्तान नचावल चाहीं.

अगर हम माधुरी दीक्षित बानी
त देसी ना, हमके विदेशी चाहीं …
फिल्म-सितारा कवनो ना जमल
अमेरिका में नेने के नैना बानी.

अगर हम मल्लिका शेरावत बानी
त देसी ना, हमके विदेशी चाहीं …
बोलीवुड फैशन पुरान भइल साड़ी
लोसएंजेलेस हॉलीवुड में नागरिक बानी.

अगर हम एम्.ऍफ़. हुसैन बानी
त देसी ना, हमके विदेशी चाहीं …
भारत के नागरिकता नइखे मंज़ूर
क़तर में करामात देखावत बानी.

अगर हम ललित मोदी बानी
त देसी ना, हमके विदेशी चाहीं …
आई.पी.एल में फिरंगी बल्लेबाज़
चीयर लीडरो अब बिदेसी चाहीं.

अगर हम इंडिया में इंडियन बानी
त देसी ना, हमके विदेशी चाहीं …
भारत में ढ़ेर मिले घर के मुर्गी
दूर बिदेसी माटी के गमक चाहीं.


डैलस, टेक्सास (अमेरिका)


शैलेश मिश्रा के अउरी रचना

Advertisements