लालकृष्ण आडवाणी : संक्षिप्त परिचय
गाँधीनगर गुजरात से भाजपा सांसद आ संसद में विपक्ष के नेता लालकृष्ण आडवाणी के जनम ८ नवम्बर १९२७ का दिन कराची भइल रहे. बाबूजी के नाम कृष्णचन्द आडवाणी आ माई के नाम ज्ञानी देवी हवे.
२५ फरवरी १९६५ के उनकर बिआह कमला जी से भइल जे ओकरा बाद कमला आडवाणी कहाए लगली. एगो बेटा आ एगो बेटी वाला छोटहन परिवार के लालकृष्ण आडवाणी सन् १९४२ से राष्ट्रीय स्वंयसेवक संघ से जुड़ल बाड़न.
शुरुआती शिक्षा सेंट पेट्रिक हाई स्कूल, कराची से, फेर डीजी नेशनल कालेज हैदराबाद से, जे अब पाकिस्तान में बा, आ ओकरा बाद गवर्नमेण्ट ला कालेज, मुम्बई से वकालत पास कइलन. पेशा से पत्रकार, राजनयिक, मजदूर नेता, राजनीतिज्ञ लालकृष्ण आडवाणी बहुते पद पर रह चुकल बाड़न.
१९४७ में संघ के कराची शाखा के कार्यवाह
१९६६ से भारतीय जनसंघ के अन्तरिम मेट्रोपोलिटन काउन्सिल के नेता
१९६७ से १९७० तक ओकर अध्यक्ष
१९७० से १९७२ ले दिल्ली जनसंघ के अध्यक्ष
१९७३ से १९७७ ले भारतीय जनसंघ के अखिल भारतीय अध्यक्ष
१९७७ से १९८० ले जनता पार्टी के महासचिव
१९८० से १९८६ ले भारतीय जनता पार्टी के महासचिव
१९८६ से १९९१ ले भारतीय जनता पार्टी के अध्यक्ष
१९९३ से १९९८ ले भारतीय जनता पार्टी के अध्यक्ष
राजनीतिक प्रतिनिधि का रुप में
१९७० में राज्यसभा खातिर चुनल गइलन
१९७६ में दुबारा राज्यसभा में
१९७७ से १९७९ ले राज्यसभा के नेता
१९८० जनवरी से १९८० अप्रेल ले राज्यसभा में विपक्ष के नेता
१९८२ में तीसरका हालि राज्यसभा खातिर चुनल गइलन
१९८८ में चउथका हालि राज्यसभा में
१९८९ में लोकसभा सदस्य
१९९१ में दुबारा लोकसभा में
१९८९ से १९९३ ले लोकसभा में विपक्ष के नेता
१९९८ में तीसरका हालि लोकसभा में
१९९९ में चउथका हालि लोकसभा में
२००४ में पांचवा हालि लोकसभा में
२००४ से अबले लोकसभा में विपक्ष के नेता
मंत्री का रूप में लालकृष्ण
१९७७ से १९७९ ले केन्द्रीय सूचना आ प्रसारण मंत्री
१९९८ से मई २००४ ले केन्द्रीय गृह मंत्री
२००२ से २००४ ले उप प्रधानमंत्री
लेखक का रुप में
अ प्रिजनर्स स्क्रेप बुक - इमरजेन्सी में जेल में रहला के दास्तान
द पीपुल बिट्रेड - मोरारजी देसाई सरकार के बनला से लेके पतन तक के कहानी
विवाद
अयोध्या में राममन्दिर बनावे खातिर पूरा देश में रथयात्रा
जिन्ना के बड़ाई कइला का चलते अपने पार्टी में आलोचना आ उपेक्षा
