सुरसंग्राम खातिर चुनईलन मनोज मिश्रा मिहिर
महुआ टीवी पर आवे वाला सीरियल म्यूजिकल शो सुर संग्राम खातिर आजुकाल्ह अलग अलग शहरन से प्रतियोगी गायकन के चुनाव कईल जा रहल बा. गजेन्द्र कुमार के प्रस्तुति एह सीरियल के एंकरिंग भोजपुरी सिनेमा किंग मनोज तिवारी मृदुल करीहन. हाल ही में गोरखपुर से प्रतियोगियन के चयनमें करीब चार सौ प्रतिभागियन के आडिशन लिहला का बाद मशहूर गायक आ अभिनेता मनोज मिश्रा मिहिर के चुन लिहल गईल. अब ऊ एह कार्यक्रम के शूटिंग खातिर मुंबई जईहन.
मनोज मिश्रा मिहिर के फिल्मी कैरियर के शुरुआत रंग दे बसंती चोला से भईल रहे. ऊ महुआ चैनल पर बिहाने बिहाने कार्यक्रमों मे शामिल रह चुकल बाड़न आ दू एपिसोड कईले बाड़न.
मनोज मिश्रा मिहिर टेलीकाम कंपनी एयरटेल के विज्ञापनो कर रहल बाड़न. एह जिंगल में उनकर लाईन लोग के बहुत पसन्द कर रहल बा. इहो पहिलके हालि भईलबा कि कवनो टेलीकाम कंपनी आपन विज्ञापन भोजपुरी में कर रहल बिया.