अभय त्रिपाठी

बनारस, उत्तर प्रदेश

भोजपुरी दुगाना (Duet)

तोहे प्यार करीला

(लड़का)
कहँवा लुकाईल बाड़ू, काहे खिसियाईल बाड़ू,
बहियाँ में आ जा, हम इसरार करीला,
तोहे प्यार, तोहे प्यार, तोहे प्यार करीला.

(लड़की)
काहे पगलाईल बाड़ऽ, काहे पिछियाईल बाड़ऽ,
ना आइब तोहरे बहियाँ हम, इनकार करीला,
नाही प्यार, नाही प्यार, नाही प्यार करीला.

(लड़का)
साँसों में बसा लीं तोहके, दिल में छुपा लीं,
आ जा जे हमरे बेरिया, गरवा लगा लीं,
कइसे बताईं, हम सुबह शाम करीला,
तोहे प्यार, तोहे प्यार, तोहे प्यार करीला.

(लड़की)
गरवा ना लागब तोहरे, कहीं अउर जा ना,
आशिक हमार बाटे सगरी जमाना,
कइसे बताईं हम, सरे राह कहीला,
नाही प्यार, नाही प्यार, नाही प्यार करीला.

(लड़का)
छोड़ के जे भाग जाइब, हमे ना बोलईह,
अखियाँ में आँसू लिहले, हमे ना मनईह,
दे देईब जान, हम तोहरे नाम करीला,
तोहे प्यार, तोहे प्यार, तोहे प्यार करीला.

(लड़की)
करके श्रृंगार आईब, छोड़ के जहान आईब,
बहियाँ में आके, तोहरे दिल में समाइब,
ई जिन्दगानी तोहरे नाम करीला,
तोहे प्यार, तोहे प्यार, तोहे प्यार करीला.

(लड़का)
नाही तकरार करेब, नाही इनकार करेब,

(लड़की)
सारी जिन्दगानी तोहके जी भर के प्यार करेब,

(लड़का)
तोहे प्यार, तोहे प्यार, तोहे प्यार करीला.

(लड़की)
हम भी प्यार, हम भी प्यार, हम भी प्यार करीला.

(दुनो)
हम भी प्यार, हम भी प्यार, हम भी प्यार करीला.