आखिर मोदी सरकार में कवनो बहुसंख्यक मंत्री काहे नइखे

by | Jun 13, 2024 | 0 comments

लोकसभा चुनाव 2024 के नतीजा आ गइला का बाद देश में तिसरका बेर नरेन्द्र मोदी प्रधानमंत्री बन गइल. किरिया धराई हो गइल, मंत्रियन के विभागो बँटा गइल. बाकिर ओकरा बाद देश में एगो नया बहस शुरु हो गइल कि अबकी बेर कवनो मुसलमान मंत्री काहे नइखे बनावल गइल. आखिर देश के सबसे बड़का जमात हवे मुसलमानन के आ जब सरकार में बहुसंख्यक जमात के एको मंत्री ना रही त सभका साथ न्याय कइसे हो पाई.

रउरा चिहुँकी मत कि मुसलमान कब से देश के बहुसंख्यक जमात, समुदाय, भा कम्युनिटी हो गइलें. त पहिले एगो सवाल के जवाब अपना दिलो दिमाग से खोजीं. समाज कम्युनिटी जमात के परिभाषा का होला.

मुसलमान अल्लाह पर भरोसा करेलें. ओह लोग के एगो पवित्र धर्मग्रंथ होला, पूजा इबादत के एगो खास तरीका होला. आपस में शादी बिआह खुशी गम मिलजुल के मनावल जाला.

ईसाई गॉड मानेले्. उनुकरो एगो धर्मग्रंथ होला. पूजा इबादत के एगो खास तरीका होला आ शादी बिआह खुशी गम आपस में मिलजुल के मनावल जाला.

सिक्ख, बौद्ध, पारसी, जैन सभे एही तरह एगो परिभाषा में समेटल जा सकेलें.

अब आईं हिन्दू का बारे में जानल जाव. हिन्दूवन के भगवानन के तीस गो प्रकार होला. (तीस कोटी माने तीस कैटेगरी तीस तरह के देवी-देवता). तरह तरह के धर्मग्रंथ, तरह तरह के पूजा पद्धति, तरह तरह के शादी बिआह गम खु्शी मनावे के तरीका जवना में एक दोसरा से अलगाव साफे देखल जा सकेला. केहू शाकाहारी, केहू मांसाहारी. केहू सर्वग्राही होला त केहू लहसुनो पिआज से परहेज करेला. त फेर हिन्दू के कवना परिभाषा से एक मानल जा सकेला ! हँ एगो नकारात्मक परिभाषा में एह लोग के एक साथे जरुर राखल जा सकेला – कि जे मुसलमान, सिक्ख, जैन, बौद्ध, ईसाई, पारसी, वगैरह ना होखे सेकरा के हिन्दू कहल जा सकेला.

अदालत, मीडिया, राजनीतिक गोल गिरोह सभे हिन्दुवन के बुड़बक बनावे में लागल रहेला कि तू लोग देश में बहुसंख्यक हऊवऽ. अगर हिन्दू बहुसंख्यक रहतन त मोदी के जीते में पानी पिये के नौबत आ जाईत ? ऊ त गनीमत कहीं कि प्रियंका वाड्रा गाँधी नेहरू मोदी का खिलाफ ना लड़ली ना त राहुल त ताल ठोक के कहत बाड़न कि ओह हालत में मोदी दू तीन लाख वोट से हार गइल रहतन. मोदी के ? हिन्दू ? प्रियंका के ? हिन्दू, मुसलमान, ईसाई, पारसी आ कि कुछ अउर ? एकरो जवाब खोजल जरुरी बा.

ठंढा दिमाग से सोचीं कि बिना मुसलमान के केन्द्र सरकार कइसे बहुसंख्यक जमात का साथे न्याय कर पाई ? आ तरह तरह के जातियन के ई गठबन्हन के जिनिगी कतना दिन के होखी ?

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up