आजु विश्व मातृभाषा दिवस हऽ

by | Feb 21, 2011 | 2 comments

२१ फरवरी के दुनिया भर में विश्व मातृभाषा दिवस का रुप में मनावल जाला. हमनी भोजपुरियनो खातिर आजु के दिन खास बा. काहे कि जइसन लागत बा देर सबेर भोजपुरिओ दुनिया के विलुप्त होत भाषा भा खतरा में पड़ल भाषा में शामिल हो जाई. काहे कि खतरा में पड़ल भाषा के परिभाषा में ओकरा के बोलेवालन के गिनिती से बेसी महत्व एह बाति के दिहल जाला कि नयकी पीढ़ी ओह भाषा के सीखत बिया कि ना. अगर नयकी पीढ़ी ओह भाषा के नइखे सीखत त ऊ भाषा खतरा में पड़ल तय बा आ अगर ई गिराव रोकल ना जाव त ऊ भाषा एक दिन विलुप्त हो जाई. उदाहरण का तौर पर लीं त इण्डोनेशिया के कुछ भाषा के बोले वालन के संख्या बीस लाख से बेसी बा तबहियो ऊ भाषा विलुप्त होखे का कगार पर बाड़ी सँ काहे कि नयकी पीढ़ी ओकरा के नइखे सीखत जानत. एकरा उलट लाडिन भाषा के बोले वाला करीब तीसेक हजार बाड़न बाकिर लाडिन खतरा में नइखे काहे कि नयकी पीढ़ी अबहियो ओह भाषा के इस्तेमाल करत बिया.

यूनेस्को के कहना बा कि अगर कुछ ना कइल जाव त आजु बोलल जाये वाली छह हजार भाषा में से आधा त एही शताब्दी के खतम होत में खतम हो जाई. यूनेस्को एह दिसाईं खास कर के सक्रिय बा कि खतरा में पड़ल भाषा के बचावे खातिर हर संभव प्रयास कइल जाव. अगर कवनो भाषा विलुप्त हो जाव त ओकरा साथही विलुप्त हो जाला एगो पूरा सभ्यता आ पूर्वजन के सम्हारल सगरी ज्ञान भण्डार. हमनी का सामने देखते देखत कैथी लिपि बिला गइल. भोजपुरी पहिले कैथिये लिपि में लिखल जात रहे. देवनागरी लिपि के इस्तेमाल से भोजपुरी अबले बाचल बिया.

दुर्भाग्य से बिहार का भागलपुर इलाका में बोलल जाये वाली भाषा अंगिका अतना सौभाग्यशाली नइखे आ ऊ खतरा में पड़ल भाषा में गिनाये लागल बिया. हिन्दुस्तान में १९८ गो भाषा के खतरा में पड़ल मानल जा रहल बा जबकि ८२ गो खतरा में फँस चुकल बाड़ी. अँगिका के गिनिती ओही में हो रहल बा.

का हमनी का चाहब कि भोजपुरीओ के गिनिती ओही में होखे ? भोजपुरी आजु जिन्दा बिया त गाँव जवार में रहे वाला ओह लोग के चलते जिनका के अशिक्षित कहल जाला, अशिष्ट कहल जाला. पढ़ल लिखल घर परिवार में त भोजपुरी कहिये से खतरा में पड़ल बिया. लोग के भोजपुरी सुने में लाज लागेला, बोले में लाज लागेला. चलीं आजु विश्व मातृभाषा दिवस का दिने तय कइल जाव कि हमनी के भाषा कबो खतरा में ना पड़ी, हमनी का एकरा के अपना नयकी पीढ़ी के जरुर सिखाएब, भोजपुरी भाषा के प्रचार प्रसार में शिक्षित लोग अधिका से अधिका संख्या में आपन योगदान दी.

जय भोजपुरी ! जय भोजपुरिया !!

Loading

2 Comments

  1. चंदन

    अगर घरे केहू दोसर आदमी आवेला जे हमरा परिवार के सदस्य नइखे आ ओकरा भोजपुरी बोले आवेला तबो ऊ हिन्दिए में बोले लागेला तबो हम अगर भोजपुरीए में बोलीले त घर के कुछ सदस्य कहेलन कि एकरा दिमाग नइखे आ एकरा पढ़ला लिखला से कवनो फायदा नइखे काहे कि एकरा त ई बुझाते नइखे कि हिन्दी बोलेवाला से हिन्दिए में बातचीत करे के चाहीं। अब बताईं रउवे कि जब घरे में अइसन लोग बा तब बाहर के कहल जाव

  2. amritanshuom

    आज हम भोजपुरियन के शपथ लेवे के चाहीं कि जतना सम्मान अंगरेजी आ हिंदी के हमनी के देत बनी जा उतने बलुक उहसे ढेर सम्मान भोजपुरी के देहब जा . आपना लड़का -लड़की के भी भोजपुरी भाषा के ज्ञान दिहल जाई. आपन संसकृति,बोली ,रहन -सहन सब कुछ से परिचय करावल जरुरी बा आज के भोजपुरी से दूर भइल नया पीढ़ी के .
    धन्यवाद !
    ओ.पी.अमृतांशु

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up