इटावा जिला पंचायत अध्यक्ष के पद सपा निर्विरोध जीतलसि

by | Jun 27, 2021 | 0 comments

(टटका खबर, अतवार, आषाढ़ अन्हरिया तृतिया, 2078 विक्रमी)

तीन जुलाई के होखे जा रहल उत्तर प्रदेश के जिला पंचायतन के चुनाव में सपा गोल के उमीदवार आ अखिलेश यादव के चचेरा भाई अभिषेक यादव उर्फ अंशू का खिलाफ केहू परचा दाखिल करे के हिम्मत ना कइल.
कुल 75 गो जिला पंचायतन में से 17 गो जिलन के पंचायत अध्यक्ष पद पर भाजपा के उमीदवार निर्विरोध चुनाइल बाड़ें. एहमें से 13 गो पर त कवनो दोसर परचे ना दाखिल भइल रहे बाकिर अमरोहा, वाराणसी, गोरखपुर, आ बांदा में विरोधी उमीदवारन के परचा खारिज हो गइला का चलते भाजपा के जीत मिलल बा. मेरठ, गाजियाबाद, गौतमबुद्धनगर, मुरादाबाद, आगरा, ललितपुर, झांसी, चित्रकूट, श्रावस्ती, बलरामपुर, गोंडा, बुलंदशहर, आ मऊ में केहू दोसर परचा ना रहला से भाजपा के जीत मिलल बा.
वइसे जीत के एलान 29 तारीख के परचा वापसी का बादे कइल जाई. हो सकेला कि ओह दिन ले कुछ उमीदवार आपन परचा वापिस ले लेस. अबहीं ले भाजपा के आगरा से मंजू भदौरिया, गाजियाबाद से ममता त्यागी, मुरादाबाद से डॉ. शेफाली सिंह, बुलंदशहर से डॉ. अंतुल तेवतिया, ललितपुर से कैलाश निरंजन, मऊ से मनोज राय, चित्रकूट से अशोक जाटव, गौतमबुद्ध नगर से अमित चौधरी, श्रावस्ती से दद्दन मिश्रा, गोरखपुर से साधना सिंह, बलरामपुर से आरती तिवारी, झांसी से पवन कुमार गौतम, गोंडा से घनश्याम मिश्रा, मेरठ से गौरव चौधरी, बांदा से सुनील पटेल, वाराणसी से पूनम मौर्या अउर अमरोहा से ललित तंवर निर्विरोध जीते वाला बाड़ें. समाजवादी गोल आपन गढ़ इटावा बचा लिहलसि काहे कि ओहिजो दोसर केहू परचा ना दाखिल कइल. शुरुआते में भाजपा के मिलल शानदार सफलता से खिनखिनाइल अखिलेश यादव अपना 11 गो जिला अध्यक्षन के बरखास्त कर दिहलन. एह चुनाव में असल मुकाबला भाजपा आ सपा का बीचे होखे जा रहल बा. प्रियंका गाँधी के चेहरा के चमक का बावजूद कतहीं ओकर उमीदवारे नइखन, उनुकर सगरी धेयान विधायकी का चुनाव में लागल बा.
जाने जोग इहो बा कि उत्तर प्रदेश के तीनतल्ला पंचायती चुनाव में 3050 गो जिला पंचायत सदस्य चुनइलें जवना में सबले बेसी समाजवादी गोल के 747 सदस्य रहलें. भारतीय जनता पार्टी के 666, बहुजन समाज पार्टी के 322, कांग्रेस के 77, आम आदमी पार्टी के 64 आ 1174 निर्दलीय प्रत्याशी चुनाव जीतल रहलें.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up