एगो प्रोड्यूसर जिन्दा रही त दस गो फिल्म बनाई : विनय आनन्द

by | Apr 17, 2010 | 0 comments

आईपीएल का सीजन में जहाँ बढ़िया बढ़िया हिन्दी फिल्म सफलता खातिर तरसत रह गइली सँ विनय आनन्द के भोजपुरी फिल्म किसना कइलस कमाल कमाल कर के देखा दिहलस. विनय आनन्द भोजपुरी के अकेला सुपर स्टार हउवें जे शुरु त भइलें हिन्दी फिल्म से बाकिर आधा दर्जन हिन्दी फिल्मन में नायक के भूमिका कइला का बाद जब भोजपुरी से लगाव का चलते भोजपुरी सिनेमा में अइलें त एहिजा छा गइलें. आजु हालात ई बा कि उनकर एगो फिल्म के शूटिंग काठमाण्डू में त दोसरा के शूटिंग बनारस का कवनो गाँव में हो रहल बा. हिट पर हिट देबे में माहिर विनय आनन्द के फिल्म बृजवा पिछला साल के सबसे बड़हन हिट फिल्म रहुवे आ बृजवा के सफलता से पूरा मनोरंजन जगत चकित हो गइल रहे.

किसना कइलस कमाल का बाद विनय आनन्द के एह साल जवन फिल्म आवे वाला बाड़ी सँ ओहमें मोरा बलमा छैल छबीला, ननिहाल, साँवरिया आई लव यू. गरदा गरदा कइले बाड़ू जबसे भइलू जवान, जय हो दुल्हे राजा, जाबाँज जिगरवाले, चुटकी भर सिन्दूर, मेला में सईंया भुलाइल हमार आ दामिनि वगैरह शामिल बाड़ी सँ.

किसना कइलस कमाल के सफलता से उत्साहित विनय आनन्द के भरोसा बा कि उनकर चाहेवाला दर्शक उनका हर फिल्म के सफल करा दीहें.एह खातिर ऊ दर्शकन का प्रति आपन आभारो जतवलन. हर बड़का निर्माता विनय आनन्द के अपना फिल्मन में रिपीट करत बा काहे कि विनय आनन्द जानेले कि कवनो फिलिम कतना मुश्किल से बनेले आ एह चलते ऊ कबो कवनो निर्माता के परेशान ना करस. कहलें कि एगो निर्माता बाँचल रही त दस गो फिल्म बनाई. इहे सोच के ऊ आपन पारिश्रमिक हिसाबे से लेवेलें.

फिल्म के गवनिया हीरो लोग के सफलता का बारे में विनय आनन्द के कहनाम बा कि सिनेमा जगत में उहे चलेला जेकरा के दर्शक चाहेलें. ऊ कवनो बढ़िया गायको हो सकेला आ कवनो बढ़िया अभिनेतो. दोसरे कवनो फिलिम के सफलता केहू पर अकेले ना रहे. एहमें अभिनेता, निर्माता, निर्देशक, वितरक, सिनेमा हाल मालिक, म्यूजिक कंपनी वगैरह सभकर योगदान रहेला. कहलें कि टी सीरीज, वीनस, आ वेब कम्पनी अपना शानदार मार्केटिंग से भोजपुरी के मार्केट बढ़ा दिहले बाड़ी सँ.

पुछला पर रानी चटर्जी का साथ उनकर जोड़ी के हिट केमिस्ट्री मानल जा रहल बा विनय आनन्द बतवलें कि रानी का साथ उनकर तीन गो फिल्म आ रहल बा. दामिनी के शूटिंग काठमाण्डू में पूरा हो चुकल बा, रामपाल निर्देशित फिल्म साँवरिया आई लव यू के बनारस में शूटिंग भइल. मोराबलमा छैल छबीला में रानी समेत चार गो हीरोइन बा लोग मोनालिसा, रानी चटर्जी, गुंजन पंत, आ दिव्या द्विवेदी.

अपना भावी योजना का बारे में बतावत विनय आनन्द कहलें कि ऊ वइसनका फिल्म बेसी पसन्द करेलें जवना का साथ पूरा परिवार जुड़ सके. आ एही मकसद से भोजपुरी सिनेमा से अश्लीलता खतम करे के आपन समर्थन दिहलें. कहलें कि उनकर इरादा टेलीविजन आ हिन्दी फिल्मो में काम करे पर बा. अपना मेहनत का बल पर विनय आनन्द के पूरा भरोसा बा कि बृजवा आ किसना कइलस कमाल से मिलल सफलता आगहू जारी रही.


(स्रोत : शशिकान्त सिंह)

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up