एतना उतार चढ़ाव में सांच कहाँ ?

by | Jul 25, 2011 | 1 comment

– जयंती पांडेय

बात चलल लस्टमानंद से कि साँच का होला. बाबा कहले साँच त हमरा के लइकाईं से हरान कइले बा. लईकाईं में पढ़नी कि बुद्ध आ महाबीर साँच के खोज में घर बार त्याग दिहले. बाकी ए घरी त साँच के खोजे खातिर दुनिया भर के जाँच कमीशन बइठ जाला. पहिले के राजा लोग साँच जाने खातिर आपन भेस बदलि के रात के गांव गांव घूमत रहे कि उनकरा बारे में प्रजा के का विचार बा. अपना बारे में प्रजा के विचार जान के ऊ लोग के राजपाट चलावे में बड़ा ही मदद हासिल होखे. वइसे साँच के रूप बड़ा ही कठिन होला. अब देखीं ना रउए, एगो गिलास में आधा गिलास पानी भरल बा. केहू कही कि आधा गिलास खाली बा, अउर दूसर के नजर में उ गिलास आधा भरल बा. अब दूनो बात त साँचे बा, बाकी एहिसे देखे वाला के नजरिया के पता चल जाला. अब देखे वालन के नजर के फेरे त रहे कि सीता मईया के अग्नि परीक्षा का बादो अपना पर लांछन सहे के पड़ल अउर उनकरा अयोध्या के राजमहल छोड़ के जंगल में बाल्मीकि ऋषि के आश्रय लेवे के पड़ल.

अब सवाल करे वाला लोग इहो पूछेला कि राजा रामचंद्र मर्यादा पुरुषोत्तम रहलन अउर ऊ त साँच जानत रहलन कि सीता मईया एकदम पवित्र रहली. तऊ चुप काहे लगा गइलन ? साँचो. साँच का बारे में जानल अउर बूझल एतना सहज नाहीं होला. जिनगी के साँच जाने खातिर सिद्धार्थ घर छोड़के बाहर निकललन अउर गौतम बुद्ध हो गइलन. जिनगी के साँच उनुके “सम्यक दर्शन” में भेंटाइल. ओहिजे एक अउर राजकुमार महावीर के ई साँच “स्यादवाद” में भेंटाइल. असल में सब रास्ता एके ओर जाला, बाकी चले वाला अपना अपना नजर से साँच खोजेला. अब अइसना में एगो कहानी याद आवऽता.

एगो गाँव में हाथी आइल. ओह गाँव में कई गो सूरदास भाई रहे लोग. हाथी का बारे में लोग से सुन के उहोलोग के जाने के मन भइल कि हाथी कइसन होला. टोहत टोहत पहुँच गइल लोग हाथी का लगे, अउर छू छू के हाथी के जानल लोग. अब घरे लवटि के आपस में चर्चा करे लागल लोग. जे पोंछ धइले रहे ऊ कहल कि हाथी त मोटका रस्सी लेखा बा, कान धरे वाला कहल कि बड़का सूप लेखा. गोड़ छुवे वाला के मोटका खंभा लेखा त सूंढ़ छूवे वाला के हाथी मोटका पाइप लेखा लागल.

अब रउए बताईं कि ओहसब में से के गलत रहे ? अब एकर जबाब एतना जल्दी रउआ वइसहीं ना खोज पायेब जइसे सरकारी आयोग सब सालो साल बितला का बादो असल अपराधी के ना खोज पायेला लोग. जवन आयोग छह महीना के भीतर रिपोर्ट देवे खातिर बनी, जान लीं कि ऊ बारह साल बाद पहिलका रिपोर्ट दाखिल करी, एकरा बाद ओह आयोग के रिपोर्ट के सच्चाई जाने खातिर दोसर आयोग बइठी. साँच के जाँच एहि तरह चलत रही काहें कि राजनीति के एताना उतार चढ़ाव के बीच साँच के खोज पावल ओतने कठिन बा जेतना ई बूझ पावल कि गिलास आधा खाली बा कि आधा भरल.

एकरा बादो रउआ ना मानब आ आगे बढ़ के साँच खोजत रहब त ऊ हथिये लेखा रउआ साँच के महसूस कर पाइब.


जयंती पांडेय दिल्ली विश्वविद्यालय से इतिहास में एम.ए. हईं आ कोलकाता, पटना, रांची, भुवनेश्वर से प्रकाशित सन्मार्ग अखबार में भोजपुरी व्यंग्य स्तंभ “लस्टम पस्टम” के नियमित लेखिका हईं. एकरा अलावे कई गो दोसरो पत्र-पत्रिकायन में हिंदी भा अंग्रेजी में आलेख प्रकाशित होत रहेला. बिहार के सिवान जिला के खुदरा गांव के बहू जयंती आजुकाल्हु कोलकाता में रहीलें.

Loading

1 Comment

  1. amritanshuom

    वाह! बहुत बढ़िया .आजकल साँच के जाँच के आंच लगा दिया त बा .
    ओ.पी.अमृतांशु

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up