‘कथ’ आ शिल्प के तनाव में अर्थ के ‘लय

by | Apr 10, 2021 | 0 comments

  • डॉ. उमाकान्त वर्मा

(अपना कवनो परिचित-अपरिचित, बोझिल स्थिति से उकेरल प्रभाव के मानसिक दबाव के महसूस करीले त हमार सृजन प्रक्रिया सुगबुगाले। ई दबाव कथ आ शिल्प दूनों में होला आ तबतक होत रहेला जबले ऊ मूर्त होके अभिव्यक्त होखे खातिर बेबस ना कर देव। दूनों के बीच के द्वंदे सायद हमरा मानसिक तनाव के जनम देला जेकरा के पूरा अभिव्यक्त करे का चेष्टा में हम अभिव्यक्ति के नया आयाम खोजत रहीले। एह खोज में ‘लय’ हमरा के सृजन पीड़ा से छुटकारा दियावेला।)

(एक)
हउवा के सीढ़ी से उतर
रोजे चाँदनी जइसन सरके
जन-जन के कंठ से बोले वाली
ए श्वेतवसना आवऽ
तू आवऽ.
आज हमरा मन के गाँव में
कउनो मीर कासिम के करिया चदरा
गिर गइल बा.
आज हमरा मन के मंडप में
कउनो फरहर सोनहुला केस वाली उरबसी के
बोल कजराइल बा
आज हमरा मन के समुन्दर में
करिखा लिपाइल पोताइल कउनो मल्लाह के
नाव आके लाग गइल बा.
अइसन समय/‘प्रज्ञा’ के दियरी जरा
‘बोधिसत्व’ के किरिन फेंक आवऽ,
तू आवऽ,
ए श्वेतवसना, तू आवऽ.

(दू)
अनचिन्हार जंगल के
बीच से ससरत, काँपत
टेरत हम ऊ डँड़ेर हईं
जे आँसू बोथाइल आँखि से
हर पल दिसा हेरत रहीले.
हमहीं कुन्ती, सीता अउर राधा हईं
जे अपना कोखि में
सरापित जुग के डोर पर
थिरकत मुसुकी छीटत रहीले.
हमहीं लेके अन्हरिया से अँजोरिया
कटोरा भर चंदन छिरिक के
अँचरा पसारत/नेह-दान देत रहीले.
सिकाइत तोहरा से नइखे
ऊ लोग से बा
जे हमनी के कुँआर सोहागिन बनावेला
आ कबहूँ
कवनो दुःसासन अइसन
कोलाहल का बीचे हमनी के/लँगटे करत
परत-दर-परत उघारत
ठठात हँसेला.
अब हमनी के भठ्ठी हो गइल बानीं
आ एगो आगि के लौ
जेके तोहरा अस लोग
नीबू अइसन निचोड़ के
अपना खुर्दुरा तरहत्थी में मींसि के
कवनो घूरा पर
कबहूँ कतहीं ना फेंक सके.

(पाती ”कविता विशेषांक“, सितम्बर, 1993 से)

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up