काला धन आ नेताजी के बयान

by | Mar 6, 2011 | 1 comment

– जयंती पांडेय

लस्टमानंद के साथी नेताजी आजुकाल विपक्ष में बाड़ें आ उहवें एटमासफियर बनावे में लागल रहेले. ऊ जब कई दिन ले काला धन पर कुछ ना बोलले त लस्टमानंद के चिंता हो गइल कि कहीं सत्ता पक्ष में त ना डगरि गइलें. काहे कि भ्रष्टाचार आ घोटाला पर त ऊ बोल-बोल के अकच क दिहले रहले. संसद के चलल आ सरकार के बोलल मुहाल हो गइल रहे. अब ऊ एकदमे चुपा गइले. का बाति हऽ ? इहे चिंता में लस्टमानंद एक दिन नेताजी से भेंट कइले. उनुका के बोले के खातिर उकसावे का गरज से लस्टमानंद बड़ा मेहराइल टोन में कहले, आजु काल्हु कालाधन पर बड़ा बवाल मचल बा.

नेताजी खिसिआइल मुँह बना के बोलले कि, कहला से का होई ?

होई कुछऊ ना. लेकिन ना बोलला से लोग बूझऽता कि कहीं आपहूं के विदेशी बैंक में खाता त नइखे ?

ई बाति सुनि के नेताजी चुपा गइले. आँखि मूंदले आ थोड़ देर बाद ध्यान लगवले. तब कहले, बाबा लस्टमानंद जी, तूं का बूझति बाड़ऽ कि ई सब बिलैक मनी जे बा से अपना देश में चलि आई ?

नेताजी के हालत देखि के लस्टमानंद के जान में जान आइल. कहले, अरे कवना फेर में पड़ गइल बानी ? कुछ नइखे होखे वाला. लेकिन आप एगो बयान देइये दीं.

नेताजी बोलले, ठीक बा.

सत्ता पक्ष के एगो नेता इहे बात लेके मशहूर रहले कि ऊ विरोधी पक्ष के जम के टक्कर देत रहले. अगर विरोधी दल कवनो मामिला उखाड़े त उहो ओतने वजन के कवनो मामिला उखाड़ के ले आवे ले. काला धन के हल्ला से भया के सत्ता पक्ष के नेता लोग उनुका से भेंट कइल आ कहल, कवनो जोगाड़ लगावऽ ना. ई त विरोधी दल के लोग काला धन के मसला उठा के नाक में दम कई दिहले बाड़े सन. का विपक्ष, का मीडिया आ का पब्लिक. सभके बतरस के मौका मिल गइल बा.

नेताजी कहले, त एह में का गलत बा ? हमनियों का कालाधन विदेश से वापिस ले आवे का माँग क देवे के चाहीं.

जे नेता लोग उनुका से मिले आइल रहे ऊ लोग तनि सकपकाइल आ कहल, हमनी का केकरा से माँग करीं सन ? हमनी के सरकारे हऽ.

नेताजी कहले, ऊ सब छोड़ऽ. बस माँग कर द लोग.

नेता लोग बाति बूझि गइल कि धन आवे जाये के ना बा, बस असहीं बतरस के मजा बा. जोगी से ले के चोर ले सब केहूये कालाधन पर कुछ ना कुछ बोलऽता आ मजा लेता.


जयंती पांडेय दिल्ली विश्वविद्यालय से इतिहास में एम.ए. हईं आ कोलकाता, पटना, रांची, भुवनेश्वर से प्रकाशित सन्मार्ग अखबार में भोजपुरी व्यंग्य स्तंभ “लस्टम पस्टम” के नियमित लेखिका हईं. एकरा अलावे कई गो दोसरो पत्र-पत्रिकायन में हिंदी भा अंग्रेजी में आलेख प्रकाशित होत रहेला. बिहार के सिवान जिला के खुदरा गांव के बहू जयंती आजुकाल्हु कोलकाता में रहीलें.

Loading

1 Comment

  1. BSD

    ham jayanti jike likhai ke bachpane se pasand karila

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up