काला धन करिये काहे कहाला

by | Aug 9, 2011 | 0 comments

– जयंती पांडेय

रामचेला बाबा लस्टमानंद से सवचले कि, हो बाबा, ई कालाधन के करिये काहे कहल जाला गोर चाहे गेहूँआ काहे ना कहल जाला ? हम त कव हाली अपना बगली के नोट बड़ा धेयान से देखनीं कि एहमें से कवनो करिया बा का ? लेकिन कवनो करिया ना लउकल. आखिर एकरा पीछे कवन दिमाग बा. का ई रंगभेद ना ह ? आखिर एकरा पीछे कवन दुराग्रह बा.

बाबा कहले ई करिया रंग का प्रति अंगरेजन के दुराग्रह ह. जवन धन गलत ढंग से कमा के आ लुकवा के रखल जात रहे ओकरा के ओकनी का ब्लैक मनी कह देले सँ. बाद में जब एकर हिन्दी बनल त ब्लैक के करिया कहे लागल लोग.

लेकिन बाबा, रामचेला कहले, हमनी का त अंगरेज ना हईं सँ. फेर हमनी का काहे अइसन बोलऽतानी सँ ? अंगरेज त हमनी के दुश्मन रहले सँ त काहे ना ओकनी से दुश्मनी के कारण एकरा के गोर धन कहल जाला ? इहे ना काला धन जब विदेशी बैंकन में होला त करिया रहेला आ अपना देश में ढुकते ऊ साफ सुथरा हो जाला. ई नोटवन के रंग कइसे बदल जाला ? आ जब नोट वोट खातिर दीहल जाला भा सवाल पूछे खातिर दीहल जाला त ऊ त काला धन ह, ओहि से देश के देहि पर कवन असर पड़े के बा.

बाबा कहले, कुछ बड़का लोगन के कालाधन से बड़ा प्रेम बा एहि से एकर नांव नइखे बदलल जात. प्रेम अइसने चीज ह कि गोर भभूका राधा के करिया कृष्ण से प्रेम हो गइल. सुनल जाला कि मजनू के लैलो करिया रहली. काला धन के बारे में सब केहू जानेला लेकिन ई बतावल मुश्किल बा जे औचक में तहरा के काला धन भेंटा जाउ त चीन्हबऽ कइसे. एहि से जे एकरा बारे में सुनेला मुसुकिया के ओहिजा से सरकि जाला. चाहे ऊ नेता होखो भा अफसर. काला धन के निशानी इहेह कि महँग गाड़ी में घूमेला आ बड़हन कोठी में रहेला. ई लोगन पर तबले सरकार के किरपा बनल रहेला जबले ऊ सरकार के नाराज ना करे. काला धन का बारे में तू ढेर मत सोचीहऽ. बस एतना जान ल कि एहसे प्रेम करला पर खतरा बेसी बा.


जयंती पांडेय दिल्ली विश्वविद्यालय से इतिहास में एम.ए. हईं आ कोलकाता, पटना, रांची, भुवनेश्वर से प्रकाशित सन्मार्ग अखबार में भोजपुरी व्यंग्य स्तंभ “लस्टम पस्टम” के नियमित लेखिका हईं. एकरा अलावे कई गो दोसरो पत्र-पत्रिकायन में हिंदी भा अंग्रेजी में आलेख प्रकाशित होत रहेला. बिहार के सिवान जिला के खुदरा गांव के बहू जयंती आजुकाल्हु कोलकाता में रहीलें.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up