का बाँचल बा गाँव में

by | Nov 30, 2014 | 3 comments

ShashiPremdev

– शशि प्रेमदेव

ना सनेहि के छाँव, न ममता के आँचर बा गाँव में!
का जाई उहवाँ केहू अब, का बाँचल बा गाँव में?

छितिर बितिर पुरुखन के थाती, बाग-बगइचा, खपड़इला!
खरिहानी में जगहे-जगहा जीव जनावर के मइला!
ना कजरी के गूँज, ना फगुआ के हलचल बा गाँव में!

आँगन अँगना कूस बोआइल, नागफनी दुअरा-दुअरा!
सून भइल कुइयाँ, उदास पनघट – जइसे लड़िका टुअरा!
बरछी जस धरती में गाड़ल, चाँपाकल बा गाँव में!

नेह-छोह के नाता टूटल, पितिया पट्टीदार भइल!
बेशर्मी के रहन देखि के, मरजादा लाचार भइल!
गोड़ धरब हम कहवाँ, जब सगरो दलदल बा गाँव में!

के हमरा के धरी धधा के, झर-झर लोर बहाई के?
बाँहि पसरले ‘बबुआ’. ‘बचवा’ कहि के धवरल आई के?
हमरा खातिर आँखि बिछवले, के बइठल बा गाँव में?

Loading

3 Comments

  1. amritanshuom

    बहुत बढ़िया रचना…….

  2. Dr. Ram Raksha Mishra Vimal

    बहुत बढ़िया गीत आ बहुत बढ़िया गाँव के चित्रण. बधाई.
    – डॉ. रामरक्षा मिश्र विमल

  3. kamal kishore singh

    बड़ी निमन लागल खास तौर से अंतिम पंक्तियाँ .
    असही लिखत रहीं.
    कमल किशोर सिंह , न्यु यॉर्क.

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up