का हो गइल ई देस के भगवान !

by | Apr 6, 2011 | 0 comments

– जयंती पांडेय

एकदिन एगो नेताजी अपने दुलरुआ बेटा से पूछले – बाबू रे, तें आगे जा के का बने के चाहऽतारऽ ? माने कि जिनिगी में आगे जा के का करे के इरादा बा ?

उनुकर बेटा टप दे कहलसि – बाबूजी, हम त आगा चल के नेता बनब.

नेता ! खिसिया गइलन नेताजी. कहले – रे तोर दिमाग खराब हो गइल बा का ?

बेटा कहलसि – नेता होखे खातिर पागल भइल जरुरी बा का ?

अबही नेताजी कुछ बोलतन कि ओहिजा बइठल नेताजी के मेहरारू कहली – पागले ना, नेता बने खातिर नंगा, लफंगा आ बेढंगा भइल जरुरी बा. एतना कहला का बाद महतारी अपना बेटा से पूछली – आखिर तूं नेता काहे बनल चाहऽतारऽ ?

बेटा कहलसि – जब होस भइल तबसे आज ले देखले बानी कि इहे एगो काम अइसन बा जेहमें ना जियादा पढ़े के पड़ेला आ ना जियादा मेहनत, लेकिन लोग सलाम करेला आ रुपिया झरत रहेला.

माई खिसिया के कहली – का तूं नइखऽ जानत कि हर विभाग में भ्रष्टाचार बढ़ल जात बा आ महँगाई संगे संग बढ़त बा. नेता आ अफसर लगातार भ्रष्ट भइल जा तारे. नेता लोग जनता के दुख कमे करे का जगहा ओकरा के बढ़वले जात बा लोग. बड़का-बड़का अर्थशास्त्री लोग अनर्थशास्त्री जइसन आचरण करत बा लोग. तरह तरह के अपराध में नेता लोग फंसल बा लेकिन तबहुओ केहु में सुधार नइखे आवत. लोग जनता के दुख मेटावे से बेसी आपन कुर्सी बचावे पर ध्यान देत बा लोग.

बेटा ई बात सुनि के कहलसि – माई तूं त कहेलु कि भगवान के मर्जी के बिना एगो पत्ता ना डोलेला. त का एह स्थिति खातिर भगवान जिम्मेदार नइखन ?

माई कहली – बेटा, भगवान ई दुनिया जरुर बनवले. लेकिन ऊ सबका खातिर एगो नियम बनवले. अब जानवरन के देखऽ. गाइ मर जाई पर माँस इत्यादि ना खाई. ओसही शेर जान त्याग दी पर घास ना खाई. जानवर सब त भगवान के बनावल नियम मानेले सन लेकिन एगो आदमिये बा कि ऊ कवनो नियम ना माने. अब जब आपन औलादे नालायक हो जाई त माई-बाप का करी ? छोड़ दी. बस असहीं भगवान सबके छोड़ दिहले. जब अपने वाली करे के बा त करऽ लोगिन आ भुगतऽ लोगिन. लेकिन ई जान ल कि जहिया ई दुनिया बनावे वाला से मुलाकात भइल ओह दिन पूछब कि जवना देश में साधु संत आ महात्मा पैदा लिहल लोग ओही देश में का भइल कि एक से बढ़ के एक घोटालाबाज, भ्रष्टाचारी आ धोखेबाज पैदा लेता लोग ? जे लोग देश के सुनाम का जगहा बदनाम करऽता लोग. हँ जे नेता बनहि के बा त जनता के बीच इज्जत पावे वाला नेता बनऽ.

माई के ई बात सुन के बेटा हँसत दोसरा इयोर चलि गइल.


जयंती पांडेय दिल्ली विश्वविद्यालय से इतिहास में एम.ए. हईं आ कोलकाता, पटना, रांची, भुवनेश्वर से प्रकाशित सन्मार्ग अखबार में भोजपुरी व्यंग्य स्तंभ “लस्टम पस्टम” के नियमित लेखिका हईं. एकरा अलावे कई गो दोसरो पत्र-पत्रिकायन में हिंदी भा अंग्रेजी में आलेख प्रकाशित होत रहेला. बिहार के सिवान जिला के खुदरा गांव के बहू जयंती आजुकाल्हु कोलकाता में रहीलें.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up