चलीं रावण पर राम के विजय पर्व मनावल जाव.

by | Oct 6, 2011 | 0 comments

विजया दशमी पर्व असत्य पर सत्य के, अपराध पर न्याय के विजय पर्व हऽ. एकरा के हमनी का बहुविधि मनाइले सँ. रामलीला का मैदान में लागल रावण के बड़हन बड़हन पुतला फूंकल जाला बाकिर हर साल रावण ओहू ले बड़ रूप में फेरु से आ जाला. खाली पुतले बनि के ना, समाज के जिनिगियो में.

वइसने एकाध रावण हमनियो का पलले पोसले रहेनी सँ अपना आँतर का कोना में, जेकरा के केहू ना देख पावे बाकिर जे हमनी के हमेशा संचालित करत रहेला, अपना काबू में लिहले राखेला. ओह रावण के, अपना आसुरी प्रवृति के, अपना बेसम्हार लालच के, दोसरा खातिर घिन, खीस, नफरत, हिंसा के भावना के मारल ओतने जरूरी होला.

त आईं, आजु अपना से वादा कइल जाव कि हम आगा बढ़ब, बाकिर केहू के लंघी ना मारब. अपना फायदा के काम करब बाकिर ओकरा खातिर दोसरा के नुकसान करे के काम ना करब. कवनो आदमी खातिर अपना मन में घिन, नफरत, खीस के जगहा ना देब. हर ओह आदमी के माफ कर देब जे कबो हमनी के नुकसान चहुँपवले रहे भा नुकसान चहुँपावे के कोशिश कइले रहे. संगही संगे अपना के अइसन बनायब कि केहू हमनी के नुकसान ना चहुँपा सके. दिग्विजयी बनला के सपना ना देखब बाकिर अपना के हमेशा बेहतर बनावे में लागल रहब. लाभ कमाये खातिर केहु का साथे बेइमानी ना करब. ना त आपन बलिदान देब ना दोसरा केहू के बलिदान लिहला के कोशिश करब.

एह सब में हर बात हमनी का अपना काबू में बा. एहमें कवनो बाति दोसरा पर निर्भर नइखे. दोसर का करत बा ओकरा से हमनी के फैसला ना बदले के चाहीं. एह बाति में रउरो बहुते कुछ जोड़ सकीले, मन करे त छोड़ सकीलें. आजु रावण के दसो मूड़ी ना काट सकीं त एकाध गो के जरूरे काट गिरावे के कोशिश करीं. ई हिंसा ना होखी, संयम होखी.

चलीं रावण पर राम के विजय पर्व मनावल जाव.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up