छठ गीत, काँच ही बाँस के बहँगिया,

by | Nov 11, 2010 | 1 comment


काँच ही बाँस के बहँगिया,
बहँगी लचकति जाय.
बहँगी लचकति जाय.

बात जे पुछेलें बटोहिया
बहँगी केकरा के जाय ?
बहँगी केकरा के जाय ?

तू त आन्हर हउवे रे बटोहिया,
बहँगी छठी माई के जाय.
बहँगी छठी माई के जाय.

काँच ही बाँस के बहँगिया,
बहँगी लचकति जाय.
बहँगी लचकति जाय.

केरवा जे फरेला घवध से
ओह पर सुगा मेंड़राय.
ओह पर सुगा मेंड़राय.

खबरि जनइबो अदित से
सुगा देलें जूठियाय
सुगा देलें जूठियाय.
ऊ जे मरबो रे सुगवा धनुष से
सुगा गिरे मुरझाय.
सुगा गिरे मुरझाय.

केरवा जे फरेला घवध से
ओह पर सुगा मेंड़राय.
ओह पर सुगा मेंड़राय.

पटना के घाट पर नरियर
नरियर किनबे जरूर.
नरियर किनबो जरूर.
हाजीपुर से केरवा मँगाई के
अरघ देबे जरूर.
अरघ देबे जरुर.

आदित मनायेब छठ परबिया
बर मँगबे जरूर.
बर मँगबे जरूर.
पटना के घाट पर नरियर
नरियर किनबे जरूर.
नरियर किनबो जरूर.

पाँच पुतर अन धन लछमी,
लछमी मँगबे जरूर.
लछमी मँगबे जरूर.
पान सुपारी कचवनिया
छठ पूजबे जरूर.
छठ पूजबे जरूर.

हियरा के करबो रे कंचन
वर मँगबे जरूर.
वर मँगबे जरूर.
पाँच पुतर अन धन लछमी,
लछमी मँगबे जरूर.
लछमी मँगबे जरूर.

पुआ पकवान कचवनिया
सूपवा भरबे जरूर.
सूपवा भरबे जरूर.
फर फूल भरबे दउरिया
सेनूरा टिकबे जरूर.
सेनूरा टिकबे जरुर.

उहवें जे बाड़ी छठि मईया
आदित रिझबे जरूर.
आदित रिझबे जरूर.

काँच ही बाँस के बहँगिया,
बहँगी लचकति जाय.
बहँगी लचकति जाय.

बात जे पुछेलें बटोहिया
बहँगी केकरा के जाय ?
बहँगी केकरा के जाय ?

तू त आन्हर हउवे रे बटोहिया,
बहँगी छठी माई के जाय.
बहँगी छठी माई के जाय.


अउरी भोजपुरी गीत सुने आ पढ़े खातिर क्लिक करीं.

Loading

1 Comment

  1. omprakash amritanshu

    ओ.पी .अमृतांशु के तरफ से देवी जी ,अंजोरिया परिवार आ छठ पर्व मनावे वाला सब लोगन के छठ के बहुत -बहुत बधाई बा .’अंजोरिया’ के माध्धयम से देवी जी के एगो सन्देश बा की हम देवी जी के बहुत याद करत बानी.
    गीतकार
    ओ.पी .अमृतांशु
    ९०१३६६०९९५

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up