जेकरा खातिर चोरी कइनी उहे कहलसि चोर ! (बतकुच्चन – 188)

by | Apr 12, 2015 | 0 comments

admin
भन दे गन दऽ ना त दन दे हने लागब. तेजी के मापल जाव त ‘दन दे’ से तेज ‘भन दे’ होला. दन दे कहला क मतलब कि जल्दी से आ भन दे के मतलब ओकरो ले तेजी से. गन दऽ असल में गिन दऽ केउच्चारण दोस ह बाकिर गनल आ गिनल में कवन बेसी चढ़ल बा जबान पर से कहल मुश्किल लागत बा. गिनती गने वाला चीझन के होला, अब ऊ रुपिया होखे भा समर्थक विधायक. नोट के गड्डी में नोट आ अपना समर्थन में विधायका कई बेर जतना होखे ना ओकरा से बेसी लागेला. गने से पहिले पता ना चल सके. कहलो जाला कि आपन बुद्धि आ अनका के कमाई सबका बेसी लागेला. ठीक ओही तरह जइसे कि पड़ोसन आ उनकर नौकर दाई हमेशा अपना घरवाली आ घरवालन से नीमन लउकेला.

दूर के ढोल सुने में सुहावन सभका लागेला बाकिर जब कान का लगे बाजे लागे त शायदे केहू के नीक लागेला. ढोल के आवाज ओकरा पिटाई से निकलेला. एह पिटाई के हनल ना कहल जा सके. हालांकि हनल के मतलब पिटाईए होला. हनला आ पिटला में फरक सोचे लगनी त इहे बुझाइल कि हनला के मकसद हानि चहुँपवला से रहल होखी आ पिटाई के मकसद पटउर पारे से. हनाइलो आदमी पटउर पड़ सकेला आ पिटइला का बावजूद कुछ लोग पट ना पड़े. हार का बादो गलथेथरई क के अपना के जीतल देखावे के कोशिश करेला कुछ लोग. बाप महतारी जब नाम जीतना रखले होखी त अरमान रहल होखी कि हम त ना जीतनी बाकिर जीतना जीत के देखा दी. अब जीतना जतना जीतला के कोशिश कर लेव जीतना शायद ओकरा किस्मत में ना होखे. बाकिर एकरा से केहू जीते के कोशिशे कइल छोड़ देव, इहो नीक ना कहाई.

एही सबसे एगो कहाउतो याद आवत बा. जेकरा खातिर चोरी कइनी उहे कहलसि चोर ! जेकरा के आपन कुरसी दिहनी उहे हमार जियल मोहाल करे में लाग गइल. बाप के नाम साग पात बेटा के नाम परोरा. रहलन त ढेर दिन से राजनीति में बाकिर कमे लोग जानत रहुवे. बइठावे वाला भरत समुझ के बइठवलसि त बइठे वाला सोरे उखाड़े में लाग गइल. सोर जड़ के कहल जाला. आ बात जब जड़ के आ गइल त जान जाईं कि जड़ कवनो बात भा चीझु के शुरुआत होखेला, आधार होला, नींव होला. बाकिर अतना कुछ होखला का बादो मूढ़ के, अबुझ के जड़ कहल जाला. काहे कि ओकरा में चेतन ना होखे, अचेतन होला. आ अबुझ अउर अबूझ के बात करे से पहिले जड़ावर आ जड़ाऊ के बात कर लिहल चाहत बानी. हीरा, मोती भा नग जड़ के, माने कि जोड़ के, बनल गहना जड़ाऊ होला आ जाड़ा में पहिरे वाला कपड़ा जड़ावर. जइसे कि जे बूझे ना ओकरा के अबुझ आ जेकरा के बूझल ना सके ओकरा के अबूझ कहल जाला.

आजु के बतकुच्चन गन दे, दन दे, भन दे से फानत फनावत जड़ से पुलुई तक के चरचा पर आ गइल. अब एह फानत फनावत अइला पर फनफनइला के जरूरत नइखे. बात फन के बा फन के ना. अलग बात बा कि साँप के फन ओकर फन होला आ एही फन से फनफनाइल शब्द बनल होखी. काहे कि साँपो डेरावे खातिर भा नाराज हो के आपन फन निकाले के फन देखावेला आ फनफनावेला लोग कवनो बात से खिसिया के सामने वाला के डरावे खातिर फनफना जाला.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up